Fernando Iglesias Sánchez

Fernando Iglesias Sánchez
	;
Biografía
Nacemento	25 de agosto de 1909 ; Ourense, España
Morte	14 de maio de 1991 (81 anos); Buenos Aires, Arxentina
Actividade
Ocupación	actor

Fernando Luís Iglesias Sánchez, máis coñecido polo alcume de Tacholas, nado en Ourense o 25 de agosto de 1909 e finado en Buenos Aires o 14 de maio de 1991, foi un actor galego. Desenvolveu a súa vida artística na emigración arxentina, onde se converteu nunha gran figura do teatro e tamén participou en numerosas películas.

Traxectoria

A súa admiración polo cine veu do seu padriño, Julio Losada, administrador do Cine Teatro Apolo de Ourense. Estudou no colexio dos Maristas de Ourense. As súas inclinacións cara ao canto levárono a pertencer a diversas entidades corais, en especial a Coral de Ruada, onde comezaron as súas inquedanzas artísticas.

En 1929 emigrou á Arxentina, onde residían os pais e as irmás. En Buenos Aires traballou, entre outros, nun obradoiro de fotografía. Ao mesmo tempo integrouse na actividade cultural das sociedades galegas, en especial da Unión Provincial Orensana, da cal seu pai era tesoureiro.

En 1932, convidado por Manuel Núñez Búa, comezou a actuar na radio, e axiña foi acadando sona entre a colectividade galega. Nesta época ten orixe o alcume de Tacholas. Durante a guerra civil española participou en festivais benéficos a prol da causa republicana. Ao rematar o conflito bélico retomou o labor cultural. En 1941 fundou con Maruxa Boga a Compañía de Comedias Galegas Boga-Tacholas,^[1] principal dinamizadora do teatro galego en Bos Aires xunto coa Compañía de Maruxa Villanueva. Tacholas participou na estrea da obra de Alfonso Daniel Rodríguez Castelao Os vellos non deben de namorarse o 14 de agosto de 1941 no Teatro Mayo de Buenos Aires. Representou á Morte no primeiro lance e a Don Ramonciño no segundo.

En 1945, tamén con Maruxa Boga e Alfredo Aróstegui (1906-1985), fundou a audición radiofónica Recordando a Galicia, programa baseado nunha idea orixinal de Castelao. En 1953 inaugurou o programa radiofónico La Voz de Galicia.

A finais dos anos 50 comezou a traballar no cinema arxentino e integrouse en diversas compañías teatrais. No eido cinematográfico negouse de forma sistemática a interpretar papeis que ridiculizasen os galegos. Participou en producións como El crack, La Patagonia rebelde ou Camila. En 1970 integrouse nos elencos do Teatro Municipal General San Martín, con numerosas xiras polo país e no estranxeiro.

Estivo fondamente integrado na colectividade emigrada galega. Foi membro da Asociación Gallega de Universitarios, Escritores y Artistas (AGUEA), a Asociación Argentina de Actores, o Centro Coruñés, a Casa de Galicia, o Centro Gallego de Buenos Aires, o Centro Ourensán (do que foi vogal da comisión de cultura), o Hogar Gallego para Ancianos (foi membro da súa directiva), a Irmandade Galega e a Sociedad General de Autores de la Argentina.

Filmografía

Chiruca (1945)
Los de la mesa 10 (1960)
El crack (1960)
Una jaula no tiene secretos (1962)
La herencia (1964)
La cosecha (1966)
Dos en el mundo (1966)
Soluna (1967)
Somos los mejores (1968)
El salame (1969)
El dependiente (1969)
Pasión dominguera (1970)
Pájaro loco (1971)
Crónica de una señora (1971)
Vení conmigo (1972)
Operación Masacre (1972)
Las venganzas de Beto Sánchez (1973)
Yo gané el prode... y Ud.? (1973)
Este loco... loco Buenos Aires (1973)
Si se calla el cantor (1973)
Operación Rosa Rosa (1974)
La Patagonia rebelde (1974)
Los golpes bajos (1974)
Las sorpresas (1975)
El muerto (1975)
La guerra del cerdo (1975)
Más allá del sol (1975)
El Pibe Cabeza (1975)
Sola (1976)
El gordo catástrofe (1977)
El soltero (1977)
Jacinta Pichimahuida se enamora (1977)
La fiesta de todos (1978)
Mi mujer no es mi señora (1978)
La nona (1979)
El infierno tan temido (1980)
Días de ilusión (1980)
Fiebre amarilla (1981)
De la misteriosa Buenos Aires (1981)
Te rompo el rating (1981)
Un terceto peculiar (1982)
No habrá más penas ni olvido (1983)
Camila (1984)
Noches sin lunas ni soles (1984)
El acompañamiento (1988)

Notas

↑ Enciclopedia Galega Universal

Véxase tamén

Bibliografía

"Boga-Tacholas, Compañía de Comedias Galegas". Enciclopedia Galega Universal 3. Ir Indo. 1999-2002. p. 400. ISBN 84-7680-288-9.
"Iglesias Sánchez, Fernando Luís". Dicionario biográfico de Galicia 2. Ir Indo Edicións. 2010-2011. p. 203.
Blanco Rosas, J. (decembro de 1998). "Os programas radiais dos emigrantes galegos" (PDF). Estudios Migratorios (CCG) (6): 195–207. ISSN 1136-0291. Arquivado dende o orixinal (PDF) o 28 de xullo de 2018. Consultado o 27 de xullo de 2018.Blanco Rosas&rft.chron=decembro de 1998&rft.genre=article&rft.issn=1136-0291&rft.issue=6&rft.jtitle=Estudios Migratorios&rft.pages=195-207&rft_id=http://culturagalega.gal/album/docs/doc_299_1B.pdf&rft_val_fmt=info:ofi/fmt:kev:mtx:journal" class="Z3988">
Blanco Rosas, J. (1999). "A radiodifusión galega no exterior" (PDF). Grial. Revista galega de cultura (142): 357–360. ISSN 0017-4181. Arquivado dende o orixinal (PDF) o 28 de xullo de 2018. Consultado o 27 de xullo de 2018.Blanco Rosas&rft.date=1999&rft.genre=article&rft.issn=0017-4181&rft.issue=142&rft.jtitle=Grial. Revista galega de cultura&rft.pages=357-360&rft_id=http://culturagalega.gal/album/docs/doc_299_2B.pdf&rft_val_fmt=info:ofi/fmt:kev:mtx:journal" class="Z3988">
Blanco Rosas, J. (2009). "Radiodifusión galega nos países rioplatenses". Murguía (19-20): 69–94. ISSN 1696-9197.Blanco Rosas&rft.date=2009&rft.genre=article&rft.issn=1696-9197&rft.issue=19-20&rft.jtitle=Murgu�a&rft.pages=69-94&rft_id=http://www.revistamurguia.com/?p=322&rft_val_fmt=info:ofi/fmt:kev:mtx:journal" class="Z3988">
Blanco Rosas, X. (setembro de 2015). Historia da radiodifusión galega en Arxentina (1930-1984) (PDF) (Tese). USC. Arquivado dende o orixinal (PDF) o 28 de xullo de 2018. Consultado o 27 de xullo de 2018.Blanco Rosas&rft.inst=USC&rft.title=Historia da radiodifusión galega en Arxentina (1930-1984)&rft_id=https://minerva.usc.es/xmlui/bitstream/handle/10347/15007/rep_1271.pdf&rft_val_fmt=info:ofi/fmt:kev:mtx:dissertation" class="Z3988">
Pérez Leira, Lois (2006). Galegos na Arxentina, galegas na Arxentina: unha ollada fotográfica. Vigo: Fesga.
Pérez Rodríguez, Luís (1996): Fernando Iglesias “Tacholas”, un actor auriense na Galicia ideal. Sada: Ediciós do Castro, 1996.
Samuelle Lamela, Cristina (2000). La emigración gallega al Río de la Plata (PDF) (en castelán). Xunta de Galicia. ISBN 84-453-2964-2.Samuelle Lamela&rft.btitle=La emigración gallega al R�o de la Plata&rft.date=2000&rft.genre=book&rft.isbn=84-453-2964-2&rft.pub=Xunta de Galicia&rft_id=http://emigracion.xunta.es/files/ebiblioteca_files/La_emigracion_rio_de_la_Plata.pdf&rft_val_fmt=info:ofi/fmt:kev:mtx:book" class="Z3988">
Vilanova, Alberto; et al. (2005). "Tacholas". Gran Enciclopedia Galega (DVD). El Progreso. ISBN 84-87804-88-8.Vilanova&rft.btitle=Gran Enciclopedia Galega&rft.date=2005&rft.genre=bookitem&rft.isbn=84-87804-88-8&rft.pub=El Progreso&rft_val_fmt=info:ofi/fmt:kev:mtx:book" class="Z3988">

Outros artigos

Galegos na Arxentina

Ligazóns externas

Homenaxe a Fernando Iglesias Tacholas 9º Festival Internacional de Cine Independente de Ourense (6 ao 13 de novembro de 2004).
"Fernando Iglesias Sánchez". Álbum da Emigración do Consello da Cultura Galega.

[EGU-1] Enciclopedia Galega Universal

[1]