Soichi Noguchi
  | |
| Nome orixinal | (ja) 野口 聡一 |
|---|---|
| Biografía | |
| Nacemento | 15 de abril de 1965 (59 anos) Iocoama, Xapón |
| Educación | Universidade de Toquio |
| Actividade | |
| Ocupación | astronauta, enxeñeiro |
| Tempo no espazo | 344 días, 9 horas e 33 minutos |
| Misión do astronauta |  –Expedição 22 (pt)   –Expedição 23 (pt)  –STS-114Soiuz TMA-17  –SpaceX Crew-1 (pt)  –Expedição 64 (pt)  –Expedição 65 (pt) |
| Premios | |
    | |
Soichi Noguchi (野口聡一 Noguchi Sōichi), nado o 15 de abril de 1965 en Iocoama, é un enxeñeiro aeronáutico e astronauta xaponés. Foi o quinto xaponés en viaxar ao espazo.
Traxectoria
[editar | editar a fonte]Aínda que nado en Yokohama, pasou a súa infancia na cidade de Chigasaki. Entre 1984 e 1989 estudou na Universidade de Toquio onde se licenciou e doutorou en Enxeñería Aeronáutica[1]. Despois de graduarse, Noguchi traballou para a empresa Ishikawajima-Harima, na área de I D do seu departamento de aeronáutica e traballou no deseño de aerodinamicidade de avións comerciais[2].
A Noguchi seleccionárono como candidato a astronauta na Axencia Xaponesa de Exploración do Aerospazo en xuño de 1996. Dous meses despois comezou o seu adestramento nas instalacións da NASA en Johnson Space Center. Ao cabo de dous anos obtivo a cualificación de especialista de misión, e marchou a Rusia a proseguir a súa fomarción no Centro Gagarin de Adestramento de Cosmonautas en 1998. Incorporouse ao equipo técnico do módulo xaponés da Estación Espacial Internacional e en abril de 2001, como tripulante da STS-114.
Noguchi foi en 2009 na tripulación da Soiuz TMA-17[2]. Cando estaba no espazo, en viaxes desenvolvidas en 2010, tomou diversas fotografías da Terra e publicounas en Twitter, a través de Twitpic. Entre esas fotos estaba unha da ría de Vigo[3].
Notas
[editar | editar a fonte]- ↑ Astronaut Bio: Soichi Noguchi Arquivado 02 de xullo de 2012 en Wayback Machine. (5/2008), NASA, consultado o 9/9/2009
- ↑ 2,0 2,1 Astronaut Bio: Soichi Noguchi (5/2008) Arquivado 02 de xullo de 2012 en Wayback Machine., NASA, consultado o 9/9/2009.
- ↑ Soichi Noguchi, propuesto hijo adoptivo de Vigo Arquivado 25 de setembro de 2010 en Wayback Machine., El Correo Gallego, 23/9/2010
Véxase tamén
[editar | editar a fonte]Ligazóns externas
[editar | editar a fonte]- A súa conta de Twitter: Astro_Soichi
- Biografía oficial na web da NASA
- Perfil de tripulante da STS-114 Arquivado 11 de xullo de 2022 en Wayback Machine.
