Escoftálmidos

Escoftámidos
Scophthalmidae

Curuxo (Scophthalmus rhombus)

Reino:	Animalia
Filo:	Chordata
Subfilo:	Vertebrata
Clase:	Actinopterygii
Subclase:	Neopterygii
Infraclase:	Teleostei
Superorde:	Acanthopterygii
Orde:	Pleuronectiformes
Familia:	Scophthalmidae Chabanaud, 1933 ^[1]

Xéneros

Lepidorhombus Günther, 1862
Phrynorhombus Günther, 1862
Scophthalmus Rafinesque, 1810
Zeugopterus Gottsche, 1835

A dos escoftálimidos (Scophthalmidae) é unha familia de peixes osteíctios da orde dos pleuronectiformes que comprende peixes planos cos ollos situados no lado esquerdo do corpo, co superior por riba ou por detrás do inferior (a diferenza dos citáridos, nos que o ollo superior está sempre lixeiramente máis avanzado), e con liña lateral presente a ambos os lados (a diferenza dos bótidos, que a teñen só no lado onde están os ollos).^[2]

A familia comprende na actualidade 9 especies reunidas en 5 xéneros (ou 4, segundo os autores, xa que moitos inclúen Phrynorhombus en Zeugopterus), todos eles presentes no Atlántico norte, incluíndo os mares Báltico, Mediterráneo e Negro.^[2]

Apareceron por primeira vez no rexistro fósil no mioceno, durante o terciario superior.^[3]

Etimoloxía

O seu nome procede do grego σϰοπεîν skopeîn vixiar, e οϕθαλμός ophthalmós ollo, aludindo ao seu costume de enterrarse na area asomando só os ollos axexando ás súas presas.

Características

Rodaballo areeiro (*Scophthalmus aquosus*).

Teñen o corpo aplanado e asimétrico, como todos os da súa orde, a boca moi grande, coa mandíbula prominente, e as aletas pelvianas ben desenvolvidas.^[2]

As femias adultas son maiores que os machos (o máximo alcánzao o rodaballo, que pode medir até 1 m).^[2]

Xéneros e especies

Como quedou dito, existen 9 especies, agrupadas en 5 xéneros:

Xénero Lepidorhombus (Günther, 1862)
- Lepidorhombus boscii (Risso, 1810) - rapante pintado ou meiga, segundo a zona de Galicia. Segundo Lahuerta e Vázquez, rapante de catro manchas.^[4]
- Lepidorhombus whiffiagonis (Walbaum, 1792) - moi semellente á anterior, e coñecida en Galicia cos mesmos nomes vulgares. Segundo Lahuerta e Vázquez, rapante.^[4]
Xénero Phrynorhombus (Günther 1862)
- Phrynorhombus norvegicus (Günther, 1862) = Zeugopterus norvegicus (Günther, 1862) Segundo Lahuerta e Vázquez, meiga de Noruega.^[4]
Xénero Scophthalmus (Rafinesque, 1810)
- Scophthalmus aquosus (Mitchill, 1815) - rodaballo areeiro. Segundo Lahuerta e Vázquez curuxo americano.^[4]
- Scophthalmus maeoticus (Pallas, 1814) - Segundo Lahuerta e Vázquez, rodaballo do mar Negro.^[4]
- Scophthalmus maximus (Linnaeus, 1758) - rodaballo común ou rodaballo propiamente dito.
- Scophthalmus rhombus (Linnaeus, 1758) - curuxo
Xénero Zeugopterus (Gottsche, 1835)
- Zeugopterus punctatus (Bloch, 1787) - tapa. Segundo Lahuerta e Vázaquez, meiga punteada.^[4]
- Zeugopterus regius (Bonnaterre, 1788)

Notas

↑ Scophthalmidae Chabanaud, 1933 no WoRMS.
↑ ^2,0 ^2,1 ^2,2 ^2,3 Nelson, J.S., 1994. Fishes of the world. 3ª ed. New York: John Wiley & Sons, Inc.
↑ Berg, L. S. (1958): System der rezenten und fossilen Fischartigen und Fische. Berlin: VEB Verlag der Wissenschaften.
↑ ^4,0 ^4,1 ^4,2 ^4,3 ^4,4 ^4,5 Lahuerta e Vázquez (2000)

Véxase tamén

Bibliografía

Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
Eschmeyer, William N., ed. (1998): Catalog of Fishes. Special Publication of the Center for Biodiversity Research and Information, núm. 1, vol. 1-3. San Francisco (California, Estados Unidos): California Academy of Sciences. ISBN 0-940228-47-5.
Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago: Xunta de Galicia. ISBN 84-453-2913-8.
Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.
Rodríguez Villanueva, X. L. e Xavier Vázquez (1992): Peixes do mar de Galicia. (III) Peixes óseos (continuación). Vigo: Edicións Xerais de Galicia. ISBN 84-7507-654-8.
Solórzano, Manuel R[odríguez]; José L. Rodríguez, José Iglesias, Francisco X, Pereira e Federico Álvarez (1988): Inventario dos peixes do litoral galego (Pisces: Cyclostomata, Chondrichthyes, Osteichthyes). O Castro-Sada, A Coruña: Cadernos da Área de Ciencias Biolóxicas (Inventarios). Seminario de Estudos Galegos, vol. IV. ISBN 84-7492-370-0.

Ligazóns externas

Scophthalmidae, en SIIT (en inglés)
Scophthalmidae, en FishBase (en inglés)

[1] Scophthalmidae Chabanaud, 1933 no WoRMS.

[fb-2] 2,0 ^2,1 ^2,2 ^2,3 Nelson, J.S., 1994. Fishes of the world. 3ª ed. New York: John Wiley & Sons, Inc.

[3] Berg, L. S. (1958): System der rezenten und fossilen Fischartigen und Fische. Berlin: VEB Verlag der Wissenschaften.

[LV-4] 4,0 ^4,1 ^4,2 ^4,3 ^4,4 ^4,5 Lahuerta e Vázquez (2000)

[1]

[2]

[3]

[4]