Lúas de Plutón

Plutón e as cinco lúas: Caronte, Hydra, Nix, Cérbero, e Estixia o 7 de xullo de 2012. Crédito: NASA.

Imaxes de 2005 do Telescopio Hubble localizando a Hydra e Nix.

Existen cinco lúas coñecidas do planeta anano Plutón. A lúa mais grande de Plutón é Caronte; Caronte, de tódolos satélites do sistema solar é a lúa mais grande en comparación co seu planeta hospede, non existe ningunha outra lúa dun tamaño tan próximo ao do planeta orbitado, producíndose o efecto de planeta duplo, o outro sistema "satélite-planeta" que ten un efecto semellante ao de Plutón e Caronte é o da Terra e a Lúa. O sistema Terra-Lúa ocupa o segundo posto (nas proporcións planeta-lúa) despois do sistema duplo Plutón-Caronte.

Hydra, Nix, Cérbero, xunto con Estixia son os outros catro satélites de Plutón, e son mais pequenos que Caronte. Hydra e Nix foron localizados nas imaxes obtidas polo Telescopio Espacial Hubble os días 15 e 18 de maio do ano 2005.Cérbero foi descuberta no 2011, polo telescopio Hubble, a derradeira lúa Estixia, descuberta tamén telescopio Hubble en nove conxuntos separados de imaxes tomadas pola Cámara de Gran Angular 3 do Hubble, os días 26, 27 e 29 de xuño de 2012 e 7 e 9 de xullo de 2012. Segundo a nota de prensa o satélite ten unha orbita coplanar (no memo plano) que a dos demais satélites de Plutón, atopase nunha orbita circular a unha distancia orbital aproximada de 58 mil quilómetros. .

Datos das lúas de Plutón

As lúas están clasificadas segundo o seu período orbital.

Lúas de Plutón

Nome	Imaxe	Diámetro (km)	Masa (kg)	Período orbital (días)	Descubridor	Ano
Caronte		1207 ± 3	(1,52±0,06)×1021	6,387230	James W. Christy	1978
Estixia		10-25	?	20.2 /- 0.1	Telescopio espacial Hubble	2012
Nix		46 - 137	5×1016 - 2×1018	24,856	Telescopio espacial Hubble	2005
Cérbero		13-34	?	32,1	Telescopio espacial Hubble	2011
Hydra		61 - 167	5×1016 - 2×1018	38,206	Telescopio espacial Hubble	2005

Formación

O sistema de lúas ó redor de Plutón é inesperadamente complexo e podería se-lo resultado dunha colisión no pasado distante entre Plutón e outro obxecto de tamaño considerable do cinto de Kuiper. As lúas de Plutón poderían se-la fusión dos cascallos xurdidos a partir dun evento destas características, semellante á teoría do Big Splash, esta teoría formula que a creación da lúa terrestre foi a partir dunha gran colisión. As resonancias orbitais podería actuar coma fendas para recolle-los materiais espallados dentro do sistema de Plutón.

• 
  Centro de masas do sistema visto dende a Terra.
• 
  Órbitas das lúas e do planeta no sistema de Plutón.
• 
  Tamaños aproximados dos corpos do sistema de Plutón.
• 
  Concepción artística de Plutón e Caronte vistos dende Hydra.

Véxase tamén

Outros artigos

• Plutón

Ligazóns externas

• Animación do sistema das lúas de Plutón
• Web da misión da sonda espacial New Horizons, da NASA