Russell Means

Russell Means
	;
Biografía
Nacemento	10 de novembro de 1939 ; Reserva india de Pine Ridge, Estados Unidos de América
Morte	22 de outubro de 2012 (72 anos); Porcupine, Estados Unidos de América
Causa da morte	cancro do esófago
Educación	San Leandro High School
Actividade
Campo de traballo	Actor, Activismo, política, Actuación, música e literatura
Ocupación	actor, actor de dobraxe, actor de televisión, activista pola paz, activista político, político, autobiógrafo, actor de cinema, músico, escritor
Período de actividade	1968 -
Partido político	Partido Libertario
Membro de	American Indian Movement (1968–)
Obra
	Obras destacables (1995) Pocahontas; (2000) Thomas and the Magic Railroad ;
Familia
Fillos	Tatanka Means
Irmáns	Lorelei DeCora Means
Páxina web	russellmeans.com

Russell Charles Means, nado o 10 de novembro de 1939 na Reserva india de Pine Ridge e finado o 22 de outubro de 2012 en Porcupine, foi un actor, músico e activista político síux, tamén coñecido en lingua lakota como Oyate Wacinyapi.

Traxectoria

Russell Means nado en Wanblee, Dacota do Sur, nunha comunidade que se atopa no Reserva india de Pine Ridge, é fillo de Theodora Feather e Harold "Hank" Means. Foi bautizado como Oyate Wacinyapin, que en lakota quere dicir "traballa para a xente". Os seus pais eran os dous síux Oglala.

Carreira profesional

Means comeza a súa carreira como actor en 1992, encarnando ó xefe Chingachgook en O derradeiro dos mohicanos, un filme dirixido por Michael Mann. A partir de entón aparece en filmes como Asasinos natos, Into The West ou Pathfinder. En Pocahontas, presta a súa voz para o personaxe do pai, o Xefe Powhatan. Tamén a prestou para o videoxogo Under A Killing Moon.

Activismo

En 1968 uniuse á American Indian Movement (AIM) unha organización que loita polos dereitos dos indios americanos, e rapidamente converteuse nun dos seus líderes. En 1969, uniuse a un grupo de nativos da organización Indians Of All Tribes (IOAT) para ocupar a illa de Alcatraz durante 18 meses^[1]^[2] e, ao ano seguinte, converteuse nun dos líderes da organización. Máis tarde ese ano, Means foi un dos líderes da ocupación do monte Rushmore por parte de AIM. En 1972, participou na ocupación AIM da Oficina de Asuntos Indios en Washington, e en 1973 dirixiu a ocupación de Wounded Knee, que foi a acción máis famosa do grupo.^[3]

Retratos de Warhol

Andy Warhol pintou dezaoito retratos de Russell Means na súa serie de indios de América. O instituto de arte de Dayton ten un deses cadros.

Notas

↑ Treuer, David (20 de novembro de 2019 [actualizado o 21 de novembro de 2019]). "How a Native American Resistance Held Alcatraz for 18 Months". nytimes.com (en inglés). Consultado o 20 de novembro de 2024.
↑ "Occupation of Alcatraz (November 1969 – June 1971)". muscarelle.wm.edu (en inglés). Consultado o 20 de novembro de 2024.
↑ Redacción (9 de febreiro de 2010). "AIM occupation of Wounded Knee begins". history.com (en inglés). Consultado o 20 de novembro de 2024.

Véxase tamén

Ligazóns externas

AIM (en inglés)

[1] Treuer, David (20 de novembro de 2019 [actualizado o 21 de novembro de 2019]). "How a Native American Resistance Held Alcatraz for 18 Months". nytimes.com (en inglés). Consultado o 20 de novembro de 2024.

[2] "Occupation of Alcatraz (November 1969 – June 1971)". muscarelle.wm.edu (en inglés). Consultado o 20 de novembro de 2024.

[3] Redacción (9 de febreiro de 2010). "AIM occupation of Wounded Knee begins". history.com (en inglés). Consultado o 20 de novembro de 2024.

[1]

[2]

[3]