Robert Rossen

Robert Rossen
	;
Biografía
Nacemento	16 de marzo de 1908 ; Nova York, Estados Unidos de América
Morte	18 de febreiro de 1966 (57 anos); Hollywood, Estados Unidos de América
Causa da morte	doenza
Lugar de sepultura	Westchester Hills Cemetery (en)
Educación	Universidade de Nova York
Actividade
Ocupación	guionista, dramaturgo, director teatral, director de cinema, produtor de cinema, realizador
Período de actividade	1932 -
Premios
	(1949) Globo de Ouro ó mellor director, premiado polo traballo All the King's Men; estrela no Paseo da Fama de Hollywood; premios do Sindicato de Directores; premios do Sindicato de Guionistas dos Estados Unidos ;

Robert Rossen, nado en Nova York o 16 de marzo de 1908 e finado na mesma cidade o 18 de febreiro de 1966 foi un director e guionista estadounidense.

Traxectoria

Comezou a súa carreira como director no teatro, en producións do Off Broadway. Coa comedia The Body Beautiful impresionou tanto a Mervyn LeRoy que o contratou como guionista persoal en 1936. Entre 1937 e 1947 foi membro do Partido Comunista Americano o que o obrigou a abandonar algún proxectos en Hollywood.

Debutou como director en 1947 con Johnny O'Clock apoiado polo protagonista, Dick Powell. Dous anos despois, o seu filme All the King's Men gañou o Óscar ao mellor filme. No filme Rossen explica como os defensores da xente corrente poden converterse en novos explotadores. Unha xuntanza do Partido Comunista nos Ánxeles criticou o filme e levou a Rossen a romper totalmente as súas relación co partido. En 1950 dirixiu The Brave Bulls, estreado o ano seguinte, que foi o último filme que dirixiu antes de que o puxesen na lista negra, tras ser considerado unha das dezanove “testemuñas non amigables” na súa declaración perante o House Un-American Activities Committee en outubro de 1947.

Finalmente volveu recuperar o éxito en 1961 con O buscavidas. Cando comezou a rodaxe de Lilith estaba enfermo e tras acabar xa perderá interese en volver a dirixir. Faleceu en 1966.

Filmografía

Ano	Filme
1947	Johnny O'Clock
1947	Corpo e alma
1949	All the King's Men
1951	The Brave Bulls
1954	Mambo
1956	Alexander the Great
1957	Island in the Sun
1959	Chegaron a Cordura
1961	O buscavidas
1964	Lilith

Véxase tamén

Bibliografía

Pells, Richard H. (1989). Wesleyan University Press, ed. The Liberal Mind in a Conservative Age: American Intellectuals in the 1940s and 1950s. ISBN 0-8195-6225-4. Consultado o 25 de febreiro de 2010.
The H.W. Wilson Company, ed. (1987). World Film Directors, Volume One, 1890–1945. Nova York. pp. 971–976.

Ligazóns externas

Robert Rossen na IMDb (en inglés).
Robert Rossen en Internet Broadway Database