Ricardo Flores
- Para o xornalista, escritor e político anarquista mexicano véxase Ricardo Flores Magón.
| Biografía | |
|---|---|
| Nacemento | 1 de maio de 1903  Sada, España |
| Morte | 25 de xullo de 2002 (99 anos) Buenos Aires, Arxentina |
| Actividade | |
| Ocupación | escritor, activista polos dereitos lingüísticos, político, dramaturgo |
  | |
Ricardo Flores Pérez, nado en Sada en 1903 e finado en Buenos Aires o 25 de xullo de 2002, foi un escritor galego e un dos máis sobranceiros autores teatrais da diáspora galega.
Traxectoria
[editar | editar a fonte]Nado no seo dunha familia labrega de Sada, desde moi neno traballa a terra e aprende o oficio de ferreiro, ao tempo que escribe os seus primeiros textos. En 1926 estreou a súa primeira peza teatral Un fillo de bendición no Pavillón Moragra da súa vila. En 1927 e 1928 estreou as súas seguintes obras Consellos do tío Xan. Emigrou a Buenos Aires en 1929, onde foi un dos dirixentes da Irmandade Galega e da Sociedade Nazonalista Pondal, director da asociación coral Os Rumorosos, secretario do Consello de Galiza e presidente do Centro Provincial Coruñés. Como dramaturgo, tivo un importante papel no teatro da diáspora. En 1952 constituíu o Cadro de Declamación Lugrís Freire, coa que estreou distintas obras da súa autoría e do teatro rexionalista.
Obra
[editar | editar a fonte]Teatro
[editar | editar a fonte]- Un fillo de bendición (1926).
- Consellos do tío Xan (1927).
- Querer de comenencia (1928).
- Mai e filla(1934).
- Un ovo de dúas xemas. Comedia rideira en dous pasos, 1938 (teatro).
- Enguedello, 1939 (teatro).
- Pra isso som teu amigo.
- Ugio.
- Catro estampas de beiramar, 1961 (teatro).
- Dúas estampas da emigración.
- O afiador.
Artigos
[editar | editar a fonte]- "Algo sobre o movimento galeguista en Buenos Aires (1930-1980).
- "O teatro como movimento proseletista".
- "A lírica popular galega en Buenos Aires".
Véxase tamén
[editar | editar a fonte]Bibliografía
[editar | editar a fonte]- "Flores Pérez, Ricardo". Dicionario biográfico de Galicia 2. Ir Indo Edicións. 2010-2011. p. 102.
- Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- "Finou Ricardo Flores, figura do nacionalismo e do teatro da emigración" (PDF). A Nosa Terra (1.045): 29. 1 de agosto ao 4 de setembro de 2002.
- Pérez, Luis (maio de 1992). Historia do teatro galego na Arxentina. Un autor: Ricardo Flores. Cadernos da Escola Dramática Galega n.º 96.
- Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. p. 234. ISBN 84-8288-019-5.
