Resistividade

A resistividade é a resistencia eléctrica específica dun determinado material. Desígnase pola letra grega rho minúscula (ρ) e mídese en ohmios metro (Ω•m).

$\rho =R{S \over l}$

onde $R$ é a resistencia en ohms, $S$ a sección transversal en m² e $l$ a lonxitude en m. O seu valor describe o comportamento dun material fronte ao paso de corrente eléctrica: un valor alto de resistividade indica que o material é mal condutor, mentres que un valor baixo indica que é un bo condutor.

Como exemplo, un material de 1 m de longo por 1 m de ancho por 1 m de altura que teña 1 Ω de resistencia terá unha resistividade (resistencia específica, coeficiente de resistividade) de 1 Ω•m .

Xeralmente a resistividade dos metais aumenta coa temperatura, mentres que a resistividade dos semicondutores diminúe ante o aumento da temperatura.

Táboa de resistividades dalgúns materiais

Material	Resistividade (en 20 °C-25 °C) (Ω·m)
Prata	1,59 x 10−8
Cobre	1,71 x 10−8
Ouro	2,35 x 10−8
Aluminio	2,82 x 10−8
Volframio	5,65 x 10−8
Níquel	6,40 x 10−8
Ferro	9,71 x 10−8
Platino	10,60 x 10−8
Estaño	11,50 x 10−8
Aceiro inoxidábel 301	72,00 x 10−8
Grafito	60,00 x 10−8

Exemplo de conversión de: ( Ω·mm²/m ) a → ( Ω·m ): A resistividade do cobre é 0,017 Ω·mm²/m e para converter mm² a m² multiplícase por 10⁻⁶obtendo 0,017x10⁻⁶Ω·m²/m que é igual a 1.7x10⁻⁸Ω.m

A conversión de Ω·mm²/m a Ω·m resulta de multiplicar a unidade inicial por 1x10⁻⁶ pasando de Ω·mm²/m a Ω·m²/m (Ω·m) e é a simplificación do índice de resistividade para un material de 1 m de longo por 1 m² de sección transversal ou ben, de 1 m³.

Véxase tamén

Outros artigos

• Condutancia eléctrica
• Condutor eléctrico
• Condutividade eléctrica (é a inversa da resistividade)
• Resistencia eléctrica
• Supercondutividade

Ligazóns externas

• Matweb, fonte de información de materiais en liña
• Resistencia do condutor - calculadora en liña Arquivado 15 de setembro de 2019 en Wayback Machine.