Rekidai Hōan

Rekidai Hōan
Orixe	Reino de Ryukyu
Lingua	Chinés clásico
Tema(s)	foreign relations of the Ryukyu Kingdom
[ editar datos en Wikidata ]

O Rekidai Hōan (xaponés: 歴代宝案; "Os valiosos documentos das sucesivas xeracións") é unha compilación oficial de documentos diplomáticos do reino de Ryūkyū. A obra abarca un período entre o 1424 e o 1867, e contén rexistros en chinés de comunicacións entre Ryūkyū e dez dos seus parceiros económicos, detallando tamén regalos ofrecidos como tributo. Trátase de China, Corea, Siam, Malaca, Palembang, Xava, Sumatra, Pattani e Sunda Kelapa (actual Iakarta). Son un total de 242 volumes, incluíndo catro listas e catro seccións extra.

Historia

A obra podería ter sido editada por primeira vez en 1697, a partir dos documentos conservados no palacio Tempi de Naha. Algúns dos textos orixinais perdéronse, e varias das copias actuais conteñen erros. Descoñécese se os documentos xa estaban agrupados xuntos ou se foi unha escolma posterior.

O Rekidai Hōan non se amosou ao público até 1932, nunha exposición no santuario Tenson de Naha. Posteriormente, foi trasladado á Biblioteca Prefectural de Okinawa. A chamada "primeira serie" foi a de 1697, con 49 volumes, algún dos cales sufriron danos ou desapareceron para 1932. Todos eles foron destruídos en 1945 na batalla de Okinawa, durante a segunda guerra mundial.

Na actualidade, consérvanse copias na Universidade de Taiwán e na Universidade de Tokyo, que constitúen a base dos estudos sobre o Rekidai Hōan. Porén, sábese que existen erros nestas versións, creados durante a súa elaboración nas décadas de 1930 e 1940.

Véxase tamén

Bibliografía

• Kobata, Atsushi (1992). "歷代寶案（琉球之外交文書） [O Rekidai Hōan: os documentos diplomáticos de Ryukyu]". Nihongakushiinkyō (en chinés) 47 (1).Kobata&rft.date=1992&rft.genre=article&rft.issue=1&rft.jtitle=Nihongakushiinky�&rft.volume=47&rft_id=https://speccoll.lib.ntu.edu.tw/node/189&rft_val_fmt=info:ofi/fmt:kev:mtx:journal" class="Z3988"> 

Outros artigos

• Reino de Ryukyu