Reggie Lewis

Reggie Lewis

Biografía
Nacemento	21 de novembro de 1965 Baltimore, Estados Unidos de América
Morte	27 de xullo de 1993 (27 anos) Waltham, Estados Unidos de América (pt)
Causa da morte	parada cardiorrespiratoria
Lugar de sepultura	Cemitério Forest Hills (pt)
Educación	Northeastern University Paul Laurence Dunbar High School (en)
Altura	201 cm
Peso	88 kg
Actividade
Ocupación	baloncestista
Período de actividade	1987 - 1993
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala
Convocado por	Boston Celtics
Traxectoria   Equipo 1983–1987 Northeastern Huskies men's basketball 122 1983–1987 Northeastern Huskies men's basketball 1987–1993 Boston Celtics

Reggie Lewis, nado o 21 de novembro de 1965 en Baltimore (Maryland) e finado mentres adestraba dun ataque ao corazón o 27 de xullo de 1993, na Universidade de Brandeis, en Waltham (Massachusetts) foi un xogador profesional de baloncesto estadounidense. Dous anos máis tarde do seu falecemento, o xornal The Wall Street Journal publicou que a causa da súa morte puido ser debida ao consumo de cocaína, pero este feito nunca foi probado.

Traxectoria deportiva

Universidade

A súa traxectoria universitaria transcorreu en Boston, na Northeastern University' onde fixo unhas excelentes cifras de 22,2 puntos e 7,9 rebotes por partido, o cal lle permitiría dar o salto á NBA.

Profesional

Foi elixido no draft da NBA de 1987 polos Boston Celtics, no posto 22 da primeira rolda. Chegou a xogar coas grandes estrelas dese equipo, como Larry Bird, Kevin McHale ou Robert Parish, xa no final das súas carreiras. En 1993 sucedeu a Bird no posto de capitán, e no seu primeiro partido de play-offs, contra Charlotte Hornets, sufriu un desmaio, sen chegar a saber que aquel fora o seu último partido como profesional. Pouco máis tarde, falecería vítima dun ataque ao corazón.

A súa camiseta co número 35 foi retirada como homenaxe á súa persoa polos Celtics. O seu espírito seguiu vivo ao crearse, tras a súa morte, o "Reggie Lewis Track and Athletic Center", do cal foi parcialmente fundador, e que desenvolve atletas en disciplinas como o atletismo e o baloncesto. Durante as súas 6 tempadas en Boston, fixo 21,5 puntos, 5,3 rebotes e 3,1 asistencias por partido.

Equipos

• Boston Celtics (1987-1993)

Logros persoais

• Elixido para o All-Star Game en 1992.
• Único xogador nos 59 anos de historia dos Celtics en conseguir, na mesma tempada, máis de 100 puntos, rebotes, asistencias, roubos de balón e tapóns (tempada 91-92).
• A súa camiseta co número 35 foi retirada polos Boston Celtics.

Véxase tamén

Ligazóns externas

• Estatísticas de Reggie Lewis Arquivado 25 de marzo de 2010 en Wayback Machine.
• Lembrando a Reggie Lewis, en NBA.com