Rafael Lesmes
| Biografía | |||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 9 de novembro de 1926  Ceuta, España | ||||||||||||||||||||||||||||||||||||||||||||||||||||||||||||||
| Morte | 8 de outubro de 2012 (85 anos) Valladolid, España | ||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||
| Período de actividade | - 1962 | ||||||||||||||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||||||||||
| 1950 | Mundial de Fútbol Brasil 1950 |
||||||||||||||||||||||||||||||||||||||||||||||||||||||||||||||
Rafael Lesmes Bobed, coñecido como Lesmes II, nado en Ceuta o 9 de novembro de 1926 e finado en Valladolid o 8 de outubro de 2012, foi un futbolista español que xogaba como lateral esquerdo. Foi membro do Real Madrid das cinco Copas de Europa, club no que militou durante oito tempadas, gañando ademais catro títulos de liga. Xogou ademais varias tempadas no Valladolid, onde coincidiu co seu irmán máis vello, Paco Lesmes, coñecido como Lesmes I.
Traxectoria
[editar | editar a fonte]Nacido en Ceuta, comezou a súa carreira futbolística nesa cidade, xogando en equipos como o África Ceutí, o Ibarrola ou o Betis de Hadú.[1] Entre 1945 e 1949 militou no Atlético Tetuán, e a continuación fichou polo Valladolid,[2] ao que se incorporou como condición que puxo seu irmán Paco para fichar el mesmo polo club, procedente do Granada.[3] Debutou na Primeira División co equipo adestrado por Antonio Barrios na cuarta xornada da tempada 1949/50, ante o Deportivo da Coruña en Riazor, formando na defensa titular a carón de seu irmán e de Babot.[4] Foi titular en 28 partidos da tempada e ao remate desta reforzou o Atlético de Madrid para disputar o Trofeo Teresa Herrera contra a Lazio, e tamén en dous partidos da Copa Latina, contra o Girondins de Bordeos e de novo contra a Lazio. Xogou dous anos máis en Valladolid, tendo como mellor resultado o sexto posto en liga na tempada 1950/51.
En agosto de 1952 foi traspasado ao Real Madrid, trala marcha do adestrador Ipiña tamén ao club branco.[5] Aínda que lastrado por unha lesión na súa primeira tempada, fíxose rapidamente coa titularidade e disputou 221 partidos oficiais en oito anos coa camiseta branca. Formou parte do equipo que gañou cinco Copas de Europa consecutivas e foi titular en tres das finais (1956, 1957 e 1958).[6] Gañou ademais catro ligas e dúas Copas Latinas. En 1960 regresou ao Valladolid, onde xogou dúas tempadas antes de retirarse.
Selección española
[editar | editar a fonte]Sen ter xogado ningún partido coa selección española, foi convocado por Guillermo Eizaguirre para o Mundial de 1950 no Brasil, onde non chegou a debutar. Finalmente, tivo que esperar cinco anos máis para xogar o seu primeiro encontro internacional. Foi o 17 de marzo de 1955 en Madrid, nunha derrota por 1-2 ante a selección francesa. O seu segundo e último partido coa selección de Lesmes foi nunha goleada por 6-2 contra Irlanda do Norte o 15 de outubro de 1958.[7][3]
Morreu en Valladolid o 8 de outubro de 2012, aos 85 anos de idade.[8]
Palmarés
[editar | editar a fonte]- Real Madrid
- Primeira División (4): 1953/54, 1954/55, 1956/57, 1957/58.
- Copa de Europa (5): 1955/56, 1956/57, 1957/58, 1958/59, 1959/60
- Copa Latina (2): 1955, 1957.
Notas
[editar | editar a fonte]- ↑ "Lesmes II, una leyenda ceutí olvidada" (en castelán). 13 de marzo de 2019. Consultado o 9 de maio de 2022.
- ↑ "Ganador de cinco Copas de Europa con el Real Madrid" (en castelán). Consultado o 9 de maio de 2022.
- ↑ 3,0 3,1 "Rafa Lesmes, muere la última leyenda" (en castelán). 9 de outubro de 2012. Arquivado dende o orixinal o 11 de decembro de 2013. Consultado o 9 de maio de 2022.
- ↑ "Victoria del Deportivo sobre el Valladolid (1-0)". El Correo Gallego (en castelán) (24166). 27 de setembro de 1949. p. 4. Consultado o 8 de maio de 2022.
- ↑ "Lesmes II ya es del Real Madrid". El Correo Gallego (en castelán) (25071). 23 de agosto de 1952. p. 4. Consultado o 8 de maio de 2022.
- ↑ "Partidos de Lesmes II na Copa de Europa". rsssf.com (en inglés). Consultado o 9 de maio de 2022.
- ↑ "España, 6 - Irlanda del Norte, 2". Mundo Deportivo (en castelán). 16 de outubro de 1958. p. 3. Consultado o 9 de maio de 2022.
- ↑ "Fallece Lesmes II, ganador de 5 Copas de Europa consecutivas". ABC (en castelán). 9 de outubro de 2012. Consultado o 9 de maio de 2022.
Véxase tamén
[editar | editar a fonte]Ligazóns externas
[editar | editar a fonte]- Datos do xogador no sitio web do Real Madrid (en castelán).
- Datos do xogador Arquivado 20 de maio de 2022 en Wayback Machine. na selección española (en castelán).
.svg){kind=small} | ||
- Nados en Ceuta
- Nados en 1926
- Finados en 2012
- Futbolistas de Ceuta
- Defensas de fútbol
- Xogadores do Atlético Tetuán
- Xogadores do Real Valladolid
- Xogadores do Atlético de Madrid
- Xogadores do Real Madrid CF
- Futbolistas gañadores da Liga de Campións da UEFA
- Xogadores da selección de fútbol de España
- Xogadores do Mundial de Fútbol de 1950