Quereño, Rubiá

Quereño
	Igrexa parroquial
Concello	Rubiá
Provincia	Ourense
Coordenadas	42°25′13″N 6°49′54″O / 42.420383333333, -6.8316722222222
Poboación	132 hab. (2013)
Entidades de poboación	3
	[ editar datos en Wikidata ]

San Cristovo de Quereño é unha parroquia que se localiza no sueste do concello ourensán de Rubiá. Segundo o padrón municipal en 2013 tiña 132 habitantes (67 homes e 65 mulleres), 56 menos ca en 1999. Ten tres entidades de poboación.

Xeografía e historia

A parroquia está situada ao leste do concello de Rubiá, a carón da estrada N-536 que comunica a comarca de Valdeorras co Bierzo. Na parroquia está a estación de Quereño, da liña A Coruña-León.

Nesta estación abriuse en setembro de 1885 un lazareto por mor da epidemia de cólera que asolaba España, dado que esta era a primeira estación existente en Galicia (despois da parada de Covas) e o ferrocarril era un medio moi usado polos segadores galegos que ían en verán a Castela^[2]. O lazareto estaba dirixido polo médico pontevedrés Bernardo López Cobián^[3]. Do lazareto de Quereño fala Antón Ferreiro no periódico O Tio Marcos d'a Portela o 13 de setembro de 1885, na copla "Carta d'un segador á sua muller":

Maripepa d’a miña alma,
ainda as maus á boca levo
da gomitona que tiven
nantronte no lazareto.
Maxínate Maripepa,
qu’en canto entrei en Quereño
y aínda no wagon estábamos
com’as sardinas nun cesto (...)

Notas

↑ ^1,0 ^1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
↑ «El cólera de 1885 en Ourense: "Dende Quereño á Canda...¡Que vacunen ó demo!. A min non me xiringa nadie”», artigo de David Simón no blog Diario de un médico de guardia, 20 de agosto de 2015 (en castelán).
↑ Couceiro Freijomil, A. (1952). "LÓPEZ COVIÁN, Bernardo". Diccionario bio-bibliográfico de escritores (en castelán) II. Santiago de Compostela: Bibliófilos Gallegos. p. 303.

Lugares e parroquias

Lugares de Quereño

Lugares da parroquia de Quereño no concello de Rubiá (Ourense)
Quereño \| Sobredo \| Vilar de Xeos

Parroquias de Rubiá

Galicia \| Provincia de Ourense \| Parroquias de Rubiá
O Barrio de Cascallá (Nosa. Sra. da Asunción) \| Biobra (San Miguel) \| Covas (San Salvador) \| Oulego (San Miguel) \| Pardollán (Santo Estevo) \| O Porto (San Cristovo) \| Quereño (San Cristovo) \| O Robledo da Lastra (Nosa Sra. da Concepción) \| Rubiá (Santa Mariña) \| A Veiga de Cascallá (Santa Cruz)

Véxase tamén

Outros artigos

Lugares de Rubiá

[nomenclátor-1] 1,0 ^1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.

[2] «El cólera de 1885 en Ourense: "Dende Quereño á Canda...¡Que vacunen ó demo!. A min non me xiringa nadie”», artigo de David Simón no blog Diario de un médico de guardia, 20 de agosto de 2015 (en castelán).

[3] Couceiro Freijomil, A. (1952). "LÓPEZ COVIÁN, Bernardo". Diccionario bio-bibliográfico de escritores (en castelán) II. Santiago de Compostela: Bibliófilos Gallegos. p. 303.

[1]

[2]

[3]