Praza Beestenmarkt (Delft)
| Beestenmarkt (Praza do Gando) | |
|---|---|
 Estado actual da Beestenmarkt | |
| Tipoloxía | Praza |
| Dimensións | |
| Formato | Rectangular (60 x 50 m) |
| Circulación | |
| Tránsito | Peonil Rodado polas rúas adxacentes |
A praza Beestenmarkt (en galego: "praza do gando") é unha das prazas máis grandes da cidade surholandesa de Delft, nos Países Baixos.
A praza ten forma case cadrada e unhas dimensións de 60 por 50 metros e, xa que logo, unha superficie de 3.000 metros cadrados.[1]
Historia
[editar | editar a fonte]No lugar que hoxe ocupa, estivo instalado o convento franciscano Minderbroederklooster (en galego: "convento do irmán menor"), entre 1449 e 1595.[2]
Desde ese último ano, en que o convento foi derrubado, e ata 1972, desenvolveuse alí un importante mercado de gando ao que acudían gandeiros de toda a rexión de Westland, no sur de Holanda.
Tras abandonarse ese uso, o espazo da praza utilizouse durante dous decenios como aparcadoiro, ata que a principios da década de 1990 se rehabilitou para se converter nun dos núcleos de esparexemento e hostalaría da cidade, particularmente durante o verán, á sombra dos 24 plataneiros de en torno a 70 anos que a rodean.[3][4]
Desde o ano 2001, vénse instalando anualmente (con algunhas excepcións) na praza unha pista de patinaxe durante o inverno.[5]
En lembranza do seu pasado como lugar de trata de gando, no centro da praza colocouse en 1993 a escultura de cerámica de Rob Brandt "O boi" (Stier).[6]
Notas
[editar | editar a fonte]- ↑ "Beestenmarkt Arquivado 13 de setembro de 2019 en Wayback Machine.". En ExploringDelft.com (en inglés)
- ↑ "Toen in Delft: ’t Broerhuis wordt Beestenmarkt". En Indebuurt.nl (en neerlandés)
- ↑ "La vida nocturna de Delft". En Holland.com (en castelán)
- ↑ "Delft: Restaurants aan de Beestenmarkt". En Restaurants.nl (en neerlandés)
- ↑ "Beestenmarkt[Ligazón morta]" no sitio web do Concello de Delft (en neerlandés)
- ↑ "Kunst in de openbare ruimte" ("Arte no espazo público"), No sitio web do Concello de Delft (en neerlandés)
Véxase tamén
[editar | editar a fonte] |
Wikimedia Commons ten máis contidos multimedia na categoría: Praza Beestenmarkt  |
Outros artigos
[editar | editar a fonte]Bibliografía
[editar | editar a fonte]- Van der Krogt, Peter. Straatnamen van Delft: verklaring van de namen van straten en buurten, grachten en bruggen.Gemeenteaechief Delft. Delft, 2000. [ISBN 908065415] (en neerlandés)
Ligazóns externas
[editar | editar a fonte]- Vermeer's Delft Today: Beestenmarkt (en inglés)
- De Beestenmarkt door de jaren heen Arquivado 13 de setembro de 2019 en Wayback Machine. (en neerlandés)