Peter Jackson

Peter Jackson

Nome orixinal	(en) Sir Peter Robert Jackson
Biografía
Nacemento	(en) Peter Robert Jackson 31 de outubro de 1961 (63 anos) Wellington, Nova Zelandia
Educación	Kāpiti College (en)
Actividade
Ocupación	director de cinema, montador, actor, escritor, produtor de cinema, guionista, realizador
Período de actividade	1987 -
Membro de	Writers Guild of America, West
Familia
Cónxuxe	Fran Walsh (1987–)
Fillos	Billy Jackson, Katie Jackson
Premios
(4 de xuño de 2012)  Ordem da Nova Zelândia (pt) ../... 30
Descrito pola fonte	Lentapedia Obálky knih,

Sir Peter Robert Jackson, nado en Pukerua Bay o 31 de outubro de 1961, é un guionista, produtor e director de cine neozelandés.

Traxectoria

Jackson comezou a súa carreira realizando pequenas películas no seu tempo libre. Unha delas, Bad Taste, acadou notoriedade no Festival de Cannes, comezando así a súa carreira profesional no cine. Ó contrario que outros directores de Nova Zelandia, Jackson permaneceu no seu país para realizar alí os seus proxectos.

Na súa segunda película Meet The Feebles, empregou marionetas. Pero o salto a fama como director de culto chégalle con Braindead, unha película a medio camiño entre a comedia e o terror coa que conseguiu varios premios. Jackson tamén realizou o filme Heavenly Creatures, protagonizado por Kate Winslet e baseado en feitos reais. Con esta película conseguiu o seu primeiro nomeamento ós Óscar como Mellor Guión e foi premiado no Festival de Venecia. En 1995 rodou Forgotten Silver, unha especie de documental sobre as aventuras dun cineasta, e ó ano seguinte fixo o filme de suspense The Frighteners protagonizado por Michael J. Fox.

Peter Jackson é principalmente coñecido por dirixir a triloxía cinematográfica sobre O señor dos aneis. As tres películas foron rodadas simultaneamente durante tres anos e estreadas sucesivamente nos Nadais de 2001 a 2003. Coa terceira conseguiu once premios Óscar, entre eles o de Mellor Película, igualando a outras coma Ben-Hur ou Titanic.

Universal Studios contratou a Peter Jackson para dirixir o remake do clásico King Kong por 20 millóns de dólares máis o 20 % dos beneficios, o que o converteu no director mellor pagado da historia. Jackson declarou en varias ocasións que a versión de 1933 foi a película que o animou a dedicarse ó mundo do cine.

Filmografía

Director

Ano	Título	Nomeamentos ó Óscar	Óscar gañados	Nomeamentos ó BAFTA	BAFTA gañados	Nomeamentos ós Globos de Ouro	Globos de Ouro gañados
1976	The Valley (curtametraxe)
1987	Bad Taste
1989	Meet the Feebles
1992	Braindead
1994	Heavenly Creatures	1
1995	Forgotten Silver
1996	The Frighteners
2001	The Lord of the Rings: The Fellowship of the Ring	13	4	12	4	4
2002	The Lord of the Rings: The Two Towers	6	2	9	2	2
2003	The Lord of the Rings: The Return of the King	11	11	12	4	4	4
2005	King Kong	4	3	3	1	2
2008	Crossing the Line (curtametraxe)
2009	The Lovely Bones	1		2		1
2012	The Hobbit: An Unexpected Journey	3		3
2013	The Hobbit: The Desolation of Smaug	3		2
2014	The Hobbit: The Battle of the Five Armies	1		1

Produtor

Ano	Título	Traballo
1987	Bad Taste	Produtor/Director
1989	Meet the Feebles	Produtor/Director
1992	Valley of the Stereos (curtametraxe)	Co-produtor
1994	Heavenly Creatures	Co-produtor/Director
1996	Jack Brown Genius	Produtor
1996	The Frighteners	Produtor/Director
2001	The Lord of the Rings: The Fellowship of the Ring	Produtor/Director
2002	The Lord of the Rings: The Two Towers	Produtor/Director
2003	The Lord of the Rings: The Return of the King	Produtor/Director
2003	The Long and Short of It (curtametraxe)	Produtor executivo
2005	King Kong	Produtor/Director
2009	District 9	Produtor
2009	The Lovely Bones	Produtor/Director
2011	The Adventures of Tintin	Produtor
2012	West of Memphis	Co-produtor
2012	The Hobbit: An Unexpected Journey	Produtor/Director
2013	The Hobbit: The Desolation of Smaug	Produtor/Director
2013	The Hobbit: The Battle of the Five Armies	Produtor/Director