Pedro Barrié de la Maza

Pedro Barrié de la Maza
	; Escultura a Barrié no Dique de abrigo da Coruña.
Biografía
Nacemento	17 de decembro de 1888 ; A Coruña, España
Morte	14 de marzo de 1971 (82 anos); A Coruña, España
Lugar de sepultura	cemiterio de Santo Amaro da Coruña
Procurador en Cortes
	6 de novembro de 1967 – 16 de febreiro de 1971 ; Lexislatura: IX lexislatura das Cortes franquistas
Procurador en Cortes
	3 de xullo de 1964 – 15 de novembro de 1967 ; Lexislatura: VIII lexislatura das Cortes franquistas
Procurador en Cortes
	31 de maio de 1961 – 6 de xuño de 1964 ; Lexislatura: VII lexislatura das Cortes franquistas
Procurador en Cortes
	16 de maio de 1958 – 18 de abril de 1961 ; Lexislatura: VI lexislatura das Cortes franquistas
Procurador en Cortes
	14 de maio de 1955 – 14 de abril de 1958 ; Lexislatura: V lexislatura das Cortes franquistas
Procurador en Cortes
	14 de maio de 1952 – 13 de abril de 1955 ; Lexislatura: IV lexislatura das Cortes franquistas
Procurador en Cortes
	13 de maio de 1949 – 5 de abril de 1952 ; Lexislatura: III lexislatura das Cortes franquistas
Procurador en Cortes
	12 de maio de 1946 – 4 de maio de 1949 ; Lexislatura: II lexislatura das Cortes franquistas
Datos persoais
Educación	Escola Superior de Comercio da Coruña
Actividade
Lugar de traballo	Madrid
Ocupación	Empresario
Membro de	Real Academia Galega de Belas Artes
Outro
Título	Conde (1955–)
Cónxuxe	Amalia Torres Sanjurjo, Carmela Arias Díaz de Rábago
Pai	Pedro Barrié Pastor
Parentes	Juan Francisco Barrié d'Abadie, avó
Premios
	(1969) doutor honoris causa pola Universidade de Santiago de Compostela; (1966) Gran Cruz da Orde Civil de Beneficencia; (1950) Gran Cruz do Mérito Naval con distintivo branco; (1949) Medalla de Ouro ó Merito no Traballo; (1947) Gran Cruz da Orde de Isabel a Católica; Gran Cruz da Orde do Mérito Civil ;

Pedro Barrié de la Maza, conde de Fenosa, nado na Coruña o 17 de decembro de 1888 e finado na mesma cidade o 14 de marzo de 1971,^[1] foi un empresario e político galego.

Traxectoria

Primeiros anos

Fillo de Pedro Barrié Pastor, herdeiro do Banco Pastor. Estudou a carreira de Comercio na Escola Superior de Comercio da Coruña, e logo ampliou os seus estudos financeiros en Gran Bretaña, Alemaña e Francia. Á súa volta comezou a traballar no negocio do pai e en 1915 foi nomeado socio e xerente da empresa, coa razón social Sobrinos de José Pastor. Cando morreu o seu pai en 1919, quedou á fronte da sociedade xunto ao curmán deste, Ricardo Rodríguez Pastor.

Banco Pastor

En 1925 produciuse unha escisión en Sobrinos de José Pastor, a parte bancaria constituíuse en sociedade anónima e pasou a chamarse Banco Pastor. Barrié de la Maza, accionista maioritario da nova entidade, cedeulle a presidencia a Ricardo Rodríguez, desempeñando os cargos de vicepresidente e director xeral. En 1939 faleceu Rodríguez Pastor e Pedro Barrié foi nomeado presidente e dirixiu o que era o principal banco de Galicia (Banco Pastor) até 1971, participando así no desenvolvemento económico de Galicia.

Fenosa

En 1937 asumiu a presidencia da Sociedad General Gallega de Electricidad, creando a partir dela en 1943 a empresa de electricidade Fuerzas Eléctricas del Noroeste S.A. (FENOSA), que foi adquirida por Gas Natural e pasou a chamarse Gas Natural Fenosa, actual Naturgy.

A intervención da ditadura foi decisiva no nacemento e expansión de Fenosa, creada en 1943. A orixe de Fenosa procede dun suceso relacionado co golpe de Estado. A compañía Electra Popular Coruñesa era a máis implantada en Galicia e propiedade de José Miñones Bernárdez, empresario e deputado republicano. Miñones foi fusilado poucos meses despois da sublevación militar e o novo réxime apropiouse das súas empresas, como aconteceu con tantas persoas represaliadas pola ditadura. Electra Popular Coruñesa foi adxudicada polos órganos do franquismo a Barrié de la Maza. Este fusionouna coas sociedades que controlaba para constituír Fenosa.^[2]

Outras empresas

Foi presidente de Astilleros y Talleres del Noroeste, S.A. (ASTANO) desde 1948 ata 1971. Desde 1944 ata 1971 foi Presidente da Xunta de Obras do Porto da Coruña construíndo, entre outras cousas, o dique de abrigo.

Promoveu ou presidiu moitas outras empresas como Aluminio de Galicia, Gas Madrid, La Toja, Minero Siderúrgica de Ponferrada, PEBSA etc.

Relacións políticas

Foi un dos principais financeiros do bando rebelde durante a guerra civil española, motivo polo cal Franco lle concedeu importantes privilexios. O 5 de decembro de 1938, xunto con Julio Muñoz Aguilar, gobernador civil da Coruña, promoveu a adquisición mediante unha subscrición popular do Pazo de Meirás, que fora de Emilia Pardo Bazán, para convertelo en residencia de verán do xeneral Franco. Foi procurador en Cortes designado por Franco dende 1946 até a súa morte en 1971.

O 1 de outubro de 1955 foille outorgado o título de conde de Fenosa pola promoción e o desenvolvemento da empresa eléctrica. Foi posuidor de moitas outras distincións como a Gran Cruz de Isabel a Católica, a Gran Cruz de Beneficencia e a Gran Cruz do Mérito Civil.

Foi agraciado co primeiro premio da lotaría nacional de 1958. Despois dunha incerteza inicial en torno ao gañador, publicouse nos diarios que seis das sete series do número 33704 vendidas na administración o Gato Negro (A Coruña) cun importe de 180 millóns de pesetas foran depositadas no Banco Pastor.^[3] Segundo relata o libro Grandes Empresas, grandes historias de Galicia (2000) as súas empresas do sector eléctrico e mineiro tiveron a fortuna de recibir estes 180 millóns de pesetas de inxección extra.

En 1966 creou a fundación Conde de Fenosa con sede na Coruña e un capital inicial de 3.300 millóns de pesetas e declarouna herdeira universal ó seu falecemento. A fundación é actualmente posuidora de máis do 40 % das accións do Banco Pastor, absorbido por Banco Popular, e despois Banco Santander.

Vida persoal

Casou en 1916 con Amalia Torres Sanjurjo, filla de Eduardo Torres Taboada, que finou en 1952^[4]. Volveu casar en 1966 con Carmela Arias Díaz de Rábago, filla do seu curmán Vicente Arias de la Maza.

Notas

↑ "Ha muerto el conde de Fenosa" ABC, 14/3/1971 (en castelán).
↑ Bosch, Joaquim (2022). La patria en la cartera. Pasado y presente de la corrupción en España (en castelán). Ariel. p. 67. ISBN 978-84-344-3478-3.
↑ "Seis series del gordo han sido depositadas en un banco de La Coruña". ABC. 30/12/1958. Consultado o 10/12/2012.
↑ "Amalia Torres, la primera esposa de Pedro Barrié, falleció hace medio siglo". La Voz de Galicia (en castelán). Arquivado dende o orixinal o 21/04/2016. Consultado o 08/04/2016.

Véxase tamén

Bibliografía

"Barrié de la Maza, Pedro". Dicionario biográfico de Galicia 1. Ir Indo Edicións. 2010-2011. p. 99.
"Barrié de la Maza, Pedro". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Barrera, Feliciano, ed. (novembro de 2004). Hijos Predilectos y Adoptivos de Galicia (en castelán). Santiago de Compostela: Editorial Compostela: El Correo Gallego / O Correo Galego. ISBN 84-8064-137-1.
Martín Aceña, Pablo; Martínez Ruiz, Elena (2006). La economía de la guerra civil. Marcial Pons. ISBN 8496467333.
Peña González, José (2006). Historia política del constitucionalismo español. Dykinson. ISBN 8497729064.

Outros artigos

Fundación Barrié

[1] "Ha muerto el conde de Fenosa" ABC, 14/3/1971 (en castelán).

[2] Bosch, Joaquim (2022). La patria en la cartera. Pasado y presente de la corrupción en España (en castelán). Ariel. p. 67. ISBN 978-84-344-3478-3.

[3] "Seis series del gordo han sido depositadas en un banco de La Coruña". ABC. 30/12/1958. Consultado o 10/12/2012.

[4] "Amalia Torres, la primera esposa de Pedro Barrié, falleció hace medio siglo". La Voz de Galicia (en castelán). Arquivado dende o orixinal o 21/04/2016. Consultado o 08/04/2016.

[1]

[2]

[3]

[4]