Pazo do Conde de Gondomar

Pazo do Conde de Gondomar
ben de interese cultural
Porta oeste da muralla.
Coordenadas	42°06′22″N 8°45′42″O
Estilo arquitectónico
[ editar datos en Wikidata ]

Escudo Sarmiento-Acuña.

Diego Sarmiento de Acuña, o primeiro conde.

O pazo do Conde de Gondomar, tamén chamado fortaleza de Gondomar, é unha fortificación de orixe medieval situada ao sur da vila de Gondomar. Está declarado Ben de Interese Cultural, e sitúase nunha fraga de árbores centenarias, rodeado por unha leira de 30 ha.

Historia

Posiblemente foi fundado entre os séculos XIV e XV, sendo nesa época de tamaño moito máis reducido.

No século XVI a praza-forte consta como propiedade do corrixidor de Granada e capitán xeneral das illas Canarias, García de Sarmiento. En 1617 Filipe III concedeu ao seu primoxénito, Diego Sarmiento de Acuña, o título de Conde de Gondomar, por defender a costa do val Miñor dos ataques do pirata Francis Drake. Nesa época o conxunto foi obxecto de considerables modificacións e ampliacións.

En 1665 foi invadido polos exércitos portugueses, que no asalto destruíron gran parte das edificacións, sendo restaurado en estilo neoclásico.

Un incendio producido no século XVIII provocou o seu abandono até que no século XIX o condado de Gondomar se uniu por vía matrimonial ao ducado de Medinaceli, comezando as obras de restauración que continuaron até principios do século XX e deron lugar á actual edificación.

Características

Consérvanse como elementos principais unha varanda “condal”, dous corpos laterais da muralla, varias escaleiras, o terrazo, portas ornamentadas e outros elementos defensivos menores, a maior parte deles de arquitectura neoclásica.

O edificio principal está distribuído en 3 andares. Ten unha capela acaroada do século XVII, de fachada con porta simple de arco de volta perfecta, e sobre esta un óculo que permite a iluminación do interior.

Orixinalmente tiña uns 3 km de muralla, conservándose só algúns vestixios e garitas.

Véxase tamén

Bibliografía

• Boga Moscoso, R. (2003). Guía dos castelos medievais de Galicia. Guías Temáticas Xerais. Edicións Xerais de Galicia. p. 258-259. ISBN 84-9782-035-5.Boga Moscoso, R.&rft.btitle=Gu�a dos castelos medievais de Galicia&rft.date=2003&rft.genre=book&rft.isbn=84-9782-035-5&rft.pages=258-259&rft.pub=Edicións Xerais de Galicia&rft.series=Gu�as Temáticas Xerais&rft_val_fmt=info:ofi/fmt:kev:mtx:book" class="Z3988"> 
• López-Chaves Meléndez, J. M.; Amor Moreno, G. E. (1988). Inventario Pazos y torres de la provincia de Pontevedra I (2ª ed.). Deputación de Pontevedra. p. 118-123.Amor Moreno, G. E.&rft.au=López-Chaves Meléndez, J. M.&rft.btitle=Inventario Pazos y torres de la provincia de Pontevedra&rft.date=1988&rft.edition=2�&rft.genre=book&rft.pages=118-123&rft.pub=Deputación de Pontevedra&rft_val_fmt=info:ofi/fmt:kev:mtx:book" class="Z3988"> 

Outros artigos

• Castelos de Galicia

Ligazóns externas

• Árbores senlleiras. O contorno das árbores e formacións^{[Ligazón morta]}, Consellería do Medio Rural.
• Información sobre o castelo, en www.agalicia.com (en castelán).