Nicasio Pajares

Nicasio Pajares
	;
Nome orixinal	(es) Agapito Francisco Nicasio Pajares Ojeros
Biografía
Nacemento	11 de decembro de 1881 ; Padrón, España
Morte	26 de abril de 1956 (74 anos); Madrid, España
Lugar de sepultura	Cemiterio de La Almudena
Residencia	Uruguai ; Arxentina
Actividade
Ocupación	xornalista, escritor

Agapito Francisco Nicasio Pajares Ojeros, coñecido como Nicasio Pajares, nado na Trabanca (Padrón) o 11 de decembro de 1881 e finado en Madrid o 26 de abril de 1956, foi un escritor galego.

Traxectoria

Fillo dun militar. Emigrou a Uruguai con 14 anos xunto do seu tío Vicente Pajares, coronel do exército uruguaio. Regresou ao ano seguinte e estudou teneduría de libros. Emigrou a Buenos Aires e empregouse nun comercio, até que decidiu estudar literatura en Rosario. Colaborou no periódico El Despertar Hispano. En 1906 volveu a Galicia para visitar a súa familia, pero foi detido en Vigo o 3 de agosto por facer manifestacións anarquistas no barco.^[1]^[2] De volta na Arxentina foi futbolista no River Plate^[3], e dedicouse ao xornalismo colaborando nas revistas Mundo Argentino (da que foi xefe de redacción), Fomento de la Instrucción Gallega e Fray Mocho.

En 1919 regresou de xeito definitivo a España dedicándose a escribir novelas de tema americano e ton humorístico. Tamén colaborou nas revistas La Esfera, Nuevo Mundo, Mundo Gráfico, Alfar e España. Casou en Madrid en 1920 con María Escolano. Foi enterrado no cemiterio da Almudena de Madrid. En xullo de 2004 as fundacións Rosalía de Castro e Camilo José Cela tentaron recuperar a súa obra.

Obras

Teatro de la emigración, 1922.
El conquistador de los trópicos, 1923.
El pensador de la selva, 1924.
Atorrántida, 1929.
Don Quijote y el tío Sam, 1930.
Como pervirtieron a Palleiros, 1931.

Notas

↑ El Noroeste, 4-8-1906, p. 1.
↑ Noticiero de Vigo, 4-8-1906, p. 2.
↑ Camilo José Cela (31 de xaneiro de 2000). "Nicasio Pajares" (PDF). ABC.

Véxase tamén

Bibliografía

Couceiro Freijomil, A. (1954). "Pajares, Nicasio". Diccionario bio-bibliográfico de escritores (en castelán) III. Santiago de Compostela: Bibliófilos Gallegos. p. 11.Pajares, Nicasio&rft.aufirst=A.&rft.aulast=Couceiro Freijomil&rft.btitle=Diccionario bio-bibliográfico de escritores&rft.date=1954&rft.genre=bookitem&rft.pages=11&rft.place=Santiago de Compostela&rft.pub=Bibliófilos Gallegos&rft_val_fmt=info:ofi/fmt:kev:mtx:book" class="Z3988">

Ligazóns externas

"Nicasio Pajares". Álbum da Emigración do Consello da Cultura Galega.

Nicasio Pajares (1881-1956) (en catalán)
Silvia R. Pontevedra (14 de xaneiro de 2010). "El escritor que Cela quiso salvar". El País.

[1] El Noroeste, 4-8-1906, p. 1.

[2] Noticiero de Vigo, 4-8-1906, p. 2.

[3] Camilo José Cela (31 de xaneiro de 2000). "Nicasio Pajares" (PDF). ABC.

[1]

[2]

[3]