Myioborus torquatus

Myioborus torquatus

Myiborus torquatus ^[1] na Reserva biolóxica Bosque Nuboso Monteverde.

Pouco preocupante

Reino:	Animalia
Filo:	Chordata
Clase:	Aves
Orde:	Passeriformes
Familia:	Parulidae
Xénero:	Myioborus
Especie:	M. torquatus

Nome binomial

Myioborus torquatus
(Baird, 1865)

Myioborus torquatus é unha especie de ave paseriforme da familia Parulidae que habita en América Central, onde as aves deste xénero reciben o nome de candelitas.^[2]^[3]

Descrición

Mide arredor de 12,5 cm de longo e pesa unha media de 11 g. A parte superior do seu píleo é castaña avermellada e está enmarcada polo negro do resto do píleo e a fronte. O seu dorso é de cor gris escura e o resto das súas partes superiores son anegradas, coas plumas exteriores da cola brancas. A cara e as partes inferiores son de cor amarela intensa, agás unha banda anegrada que cruza pola parte superior do pescozo con forma de colar.

Ambos os sexos teñen un aspecto similar, e os individuos xuvenís teñen unha plumaxe menos rechamante, co dorso pardacento, e a cabeza negra, sen os tons amarelos e castaño avermellados dos adultos, as súas partes inferiores son dun amarelo máis apagado e carecen da mancha avermellada do píleo.

Distribución e hábitat

Esta especie é endémica das montañas de Costa Rica e o oeste de Panamá. Encóntrase nas selvas de montaña entre os 1500 m e o límite superior do bosque, ademais de nos barrancos e pasteiros adxacentes.

Comportamento

Aliméntase de insectos, e con frecuencia estende a súa cola mentres persegue as súas presas. Adoita formar parte de bandadas mixtas de alimentación e con frecuencia segue ao gando para apañar os insectos que espantan os mamíferos.

A súa época de cría é entre marzo e maio. Constrúe un niño cuberto no chan ou un terraplén costento, agochado entre a vexetación ou baixo un tronco caído. Constrúe o seu niño cunha entrada redonda e utiliza herbas, codias de árbores, fibras vexetais e follas. A femia pon dous ou tres ovos brancos ou de cor crema con pequenas pintiñas pardas. Choca os ovos durante unhas dúas semanas.

Notas

↑ BirdLife International (2012). «Myioborus torquatus». Lista Vermella de especies ameazadas da UICN 2013.1 (en inglés).
↑ De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J (2010). Nombres de aves. Sociedad Española de Ornitología. Arquivado 24 de setembro de 2015 en Wayback Machine. Ardeola 57 (2): 449–456. (en castelán)
↑ Ficha en Avibase.

Véxase tamén

Bibliografía

Curson, Quinn e Beadle, New World Warblers ISBN 0-7136-3932-6
Stiles e Skutch, A guide to the birds of Costa Rica ISBN 0-8014-9600-4

Ligazóns externas

[1] BirdLife International (2012). «Myioborus torquatus». Lista Vermella de especies ameazadas da UICN 2013.1 (en inglés).

[2] De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J (2010). Nombres de aves. Sociedad Española de Ornitología. Arquivado 24 de setembro de 2015 en Wayback Machine. Ardeola 57 (2): 449–456. (en castelán)

[3] Ficha en Avibase.

[1]

[2]

[3]