Muhammad al-Bukhari

Imán
Muhammad al-Bukhari
	;
Nome orixinal	(ar) محمد بن إسماعيل البخاري
Biografía
Nacemento	20 de xullo de 810 ; Bukhara (Abbásida)
Morte	1 de setembro de 870 (60 anos); Samarcanda (Abbásida)
Lugar de sepultura	Al Bukhari Memorial (en)
Relixión	Islam e Sunnismo
Actividade
Campo de traballo	Science of hadith (en)
Ocupación	muhaddith, alfaquí, ulema, poeta, historiador
Profesores	Ahmad ibn Hanbal, Ali ibn al-Madini (en) , Yahya ibn Ma'in (pt) , Ishaq Ibn Rahwayh (pt) , Al-Darimi (pt) e Q12183100
Alumnos	Muslim ibn al-Hajjaj, Ibn Abi Asim (en) e Abu Isa at-Tirmidhi (en)
Obra
	Obras destacables Q19455078 ; Q19492250 ; al-Tārīkh al-kabīr (en) ; al-Adab al-mufrad (en) ; (século IX) Sahih al-Bukhari (pt) ;
Familia
Pai	Ismail ibn Ibrahim
Descrito pola fonte	Obálky knih, ; Dicionario Enciclopédico Brockhaus e Efron; Grande Enciclopedia Soviética (1926—1947)

Abū ‘Abd Allāh Muḥammad ibn Ismā‘īl ibn Ibrāhīm ibn al-Mughīrah ibn Bardizbah al-Ju‘fī al-Bukhārī (en árabe: أبو عبد الله محمد بن إسماعيل بن إبراهيم بن المغيرة بن بردزبه الجعفي البخاري), nado en Bukhara o 21 de xullo de 810 e finado en Khartank o 1 de setembro de 870, tamén coñecido como Bukhārī (en persa: بخاری), Imam al-Bukhari ou Imam Bukhari, foi un ulema persa.^[1]^[2]^[3] Escribiu unha colección do hadith coñecida como Sahih al-Bukhari, considerado polos musulmáns sunnitas como un nos máis auténticos compiladores do hadith. Tamén escribiu outros libros como Al-Adab al-Mufrad.^[4].

Traxectoria

Nacemento

Muhammad ibn Ismaʿil al-Bukhari al-Juʿfi naceu despois da oración do Jumu'ah o venres 21 de xullo de 810 (13 Shawwal 194 AH) na cidade de Bukhara en Transoxiana^[5] (actual Uzbekistán).^[1]^[6]

O seu pai, Ismail ibn Ibrahim, estudoso do hadith, foi alumno e asociado de Malik ibn Anas. Algúns estudosos iraquís contaron narracións súas do hadith.^[1]

Liñaxe

O bisavó Imam Bukhari, al-Mughirah, estableceuse en Bukhara tras aceptar o islam das mans do gobernador de Bukhara, Yaman al-Juʿfi. Como era o costume, converteuse en mawla de Yaman, e a súa familia continuou a levar o nisbah de "al-Juʿfi".^[1]^[6]^[7]

O pai de Al-Mughirah, Bardizbah, é o devanceiro coñecido máis antigo de Bukhari de acordo coa maioría dos estudosos e historiadores. Era un mago zoroastrista e faleceu como tal. As-Subki é o único estudoso que menciona o pai de Bardizbah, que dixo que se chamaba Bazzabah (en persa: بذذبه). Pouco se sabe de Bardizbah ou de Bazzabah, agás que eran persas e seguían a relixión do seu pobo.^[1] Os historiadores tampouco teñen información sobre o avó de Bukhari, Ibrahim ibn al-Mughirah.^[1]

Estudos do Hadith e viaxes

O historiador al-Dhahabi describiu os primeiros anos da súa vida académica:

Comezou a estudar o hadith o ano 205 AH. Memorizou as obras de [‘Abdullah] ibn al-Mubaarak cando era neno. Foi criado pola súa nai porque o seu pai morreu cando era un neno. Viaxou coa súa nai e o seu irmán o ano 201 despois de oír as narracións da súa rexión. Comezou a escribir libro e narrar o hadith cando era aínda adolescente. Dixo: "Cando cumrpín dezoito anos, comecei a escribir sobre os Acompañantes e os Seguidores e as súas afirmacións. Isto foi durante o tempo de ‘Ubaid Allah ibn Musa [un dos seus mestres]. Nesa época tamén escribín un libro de historia na tumba do profeta de noite durante un plenilunio".^[8]

Viaxes de Bukhari buscando e estudando o hadith.

Aos dezaseis anos, el, o seu irmán e a nai viúva, fixeron a peregrinación á Meca. Dende alí realizou unha serie de viaxes para incrementar o seu coñecemento do hadith. Visitou todos os centros de aprendizaxe islámica importantes nesa época, falou con estudosos e intercambiou información sobre o hadith.

Posteriormente volveu a Bukhara, e alí redactou o seu al-Jami' as-Sahih, colección de 7275 tradicións, clasificadas en capítulos para permitir a creación dunha base para un sistema completo de xurisprudencia sen o uso dunha lei especulativa.

O seu libro é amplamente recoñecido entre os sunnitas e está considerado a colección máis auténtica do hadith, mesmo por diante de Muwatta Imam Malik e do estudante de Bukhari Muslim ibn al-Hajjaj. Moitos estudosos sunnitas considérano segundo só despois do Corán en termos de autenticidade. Tamén compuxo outros libros, incluído al-Adab al-Mufrad, colección de hadiths sobre ética e formas, e dous libros con biografías de narradores de hadith.

Últimos anos

O ano 864/250, estableceuse en Nishapur. Foi alí onde coñeceu a Muslim ibn al-Hajjaj. Foi considerado o seu alumno, e finalmente coleccionista e organizador da colección de hadith Sahih Muslim, segunda só despois da de al-Bukhari. Os problemas políticos levárono a marchar a Khartank, aldea próxima de Samarcanda, onde faleceu o ano 870/256.^[9]

Mausoleo

A tumba sitúase no complexo de Imam al-Bukhari, na aldead de Hartang, a 25 quilómetros de Samarcanda. Foi restaurada en 1998 despois de séculos abandono e deterioración. O complexo consiste na tumba, unha mesquita, unha madrassah, biblioteca e unha pequena colección de coráns. A tumba a nivel do chan é só un cenotafio, e a tumba real está nunha pequena cripta baixo a estrutura moderna.^[10]

Notas

↑ ^1,0 ^1,1 ^1,2 ^1,3 ^1,4 ^1,5 ibn ʿAlee ibn ʿAbdul-Maujood, Salaahud-Deen (decembro de 2005). The Biography of Imam Bukhaaree. Translated by Faisal Shafeeq (1.ª ed.). Riyadh: Darussalam. ISBN 9960969053.
↑ Bourgoin, Suzanne Michele; Byers, Paula Kay, eds. (1998). "Bukhari". Encyclopedia of World Biography (2nd ed.). Gale. p. 112. ISBN 9780787625436.
↑ Lang, David Marshall, ed. (1971). "Bukhārī". A Guide to Eastern Literatures. Praeger. p. 33.
↑ "Al-Adab al-Mufrad". Arquivado dende o orixinal o 31 de decembro de 2014. Consultado o 23 de maio de 2020.
↑ "Encyclopædia Britannica". Arquivado dende o orixinal o 08 de marzo de 2021.
↑ ^6,0 ^6,1 Melchert, Christopher. "al-Bukhārī". Encyclopaedia of Islam, THREE. Brill Online. ^{[Ligazón morta]}
↑ Robson, J. (24 de abril de 2012). "al-Bukhārī, Muḥammad b. Ismāʿīl". Encyclopaedia of Islam, Second Edition. Brill Online.
↑ Tathkirah al-Huffath, vol. 2, pg. 104-5, al-Kutub al-‘Ilmiyyah edition
↑ Khair, Tabish (2006). Other Routes: 1500 Years of African and Asian Travel Writing. Signal Books. pp. 393–. ISBN 978-1-904955-11-5.
↑ "Tomb of Imam al-Bukhari". Madain Project. Consultado o 12 de maio de 2019.

Véxase tamén

Bibliografía

Ghassan Abdul-Jabbar, Bukhari, Londres, 2007
Muḥammad ʿIṣām ʿArār al-Ḥasanī, Itḥāf al-qāriʾ bi-maʿrifat juhūd wa-aʿmāl al-ʿulamāʾ ʿalā Ṣaḥīḥ al-Bukhārī, Damascus 1407/1987
Jonathan Brown, The canonization of al-Bukhārī and Muslim, Leiden 2007
Eerik Dickinson, The development of early Sunnite ḥadīth criticism, Leiden 2001
Mohammad Fadel, "Ibn Ḥajar’s Hady al-sārī," JNES 54 (1995), 161–97
Johann W. Fück, "Beiträge zur Überlieferungsgeschichte von Bukhārī’s Traditionssammlung," ZDMG 92 (n.s. 17, 1938), 60–87
Ignaz Goldziher, Muslim studies, ed. S. M. Stern, trans. C. R. Barber and S. M. Stern (Chicago 1968–71), 2:216–29
Nizār b. ʿAbd al-Karīm b. Sulṭān al-Ḥamadānī, al-Imām al-Bukhārī, Mecca 1412/1992
al-Ḥusaynī ʿAbd al-Majīd Hāshim, al-Imām al-Bukhārī, Cairo n.d.
Abū Bakr al-Kāfī, Manhaj al-Imām al-Bukhārī, Beirut 1421/2000
Najm ʿAbd al-Raḥmān Khalaf, Istidrākāt ʿalā Taʾrīkh al-turāth al-ʿArabī li-Fuʾād Sizkīn fī ʿilm al-ḥadīth (Beirut 1421/2000), 135–264
Scott C. Lucas, "The legal principles of Muḥammad b. Ismāʿīl al-Bukhārī and their relationship to classical Salafi Islam," ILS 13 (2006), 289–324
Christopher Melchert, "Bukhārī and early hadith criticism," JAOS 121 (2001), 7–19
Christopher Melchert, "Bukhārī and his Ṣaḥīḥ," Le Muséon 123 (2010), 425–54
Alphonse Mingana, An important manuscript of the traditions of Bukhārī, Cambridge 1936
Rosemarie Quiring-Zoche, "How al-Bukhārī’s Ṣaḥīḥ was edited in the Middle Ages. ʿAlī al-Yūnīnī and his rumūz," BEO 50 (1998), 191–222
Fuat Sezgin, Buhârî’nin kaynakları, Istanbul 1956
Umm ʿAbdallāh bt. Maḥrūs al-ʿAsalī et al., Fihris Muṣannafāt al-Imām Abī ʿAbdallāh Muḥammad b. Ismāʿīl al-Bukhārī…fīmā ʿadā al-Ṣaḥīḥ, Riyadh 1408/1987–8

Ligazóns externas

[abdulmaujood-1] 1,0 ^1,1 ^1,2 ^1,3 ^1,4 ^1,5 ibn ʿAlee ibn ʿAbdul-Maujood, Salaahud-Deen (decembro de 2005). The Biography of Imam Bukhaaree. Translated by Faisal Shafeeq (1.ª ed.). Riyadh: Darussalam. ISBN 9960969053.

[2] Bourgoin, Suzanne Michele; Byers, Paula Kay, eds. (1998). "Bukhari". Encyclopedia of World Biography (2nd ed.). Gale. p. 112. ISBN 9780787625436.

[3] Lang, David Marshall, ed. (1971). "Bukhārī". A Guide to Eastern Literatures. Praeger. p. 33.

[4] "Al-Adab al-Mufrad". Arquivado dende o orixinal o 31 de decembro de 2014. Consultado o 23 de maio de 2020.

[5] "Encyclopædia Britannica". Arquivado dende o orixinal o 08 de marzo de 2021.

[melchert-6] 6,0 ^6,1 Melchert, Christopher. "al-Bukhārī". Encyclopaedia of Islam, THREE. Brill Online. ^{[Ligazón morta]}

[robson-7] Robson, J. (24 de abril de 2012). "al-Bukhārī, Muḥammad b. Ismāʿīl". Encyclopaedia of Islam, Second Edition. Brill Online.

[8] Tathkirah al-Huffath, vol. 2, pg. 104-5, al-Kutub al-‘Ilmiyyah edition

[Khair2006-9] Khair, Tabish (2006). Other Routes: 1500 Years of African and Asian Travel Writing. Signal Books. pp. 393–. ISBN 978-1-904955-11-5.

[madainproject-10] "Tomb of Imam al-Bukhari". Madain Project. Consultado o 12 de maio de 2019.

[1]

[2]

[3]

[4]

[5]

[6]

[7]

[8]

[9]

[10]