Mariano Tudela

Mariano Rodríguez Tudela

Biografía
Nacemento	23 de febreiro de 1925 A Coruña, España
Morte	12 de outubro de 2001 (76 anos) Madrid, España
Educación	Universidade de Santiago de Compostela
Actividade
Ocupación	xornalista, guionista, escritor, novelista
Familia
Fillos	Olivia Rodríguez
Premios
Medalla de Galicia

Mariano Rodríguez Tudela, coñecido como Mariano Tudela, nado na Coruña o 23 de febreiro de 1925 e finado en Madrid o 12 de outubro de 2001, foi un escritor e xornalista galego.

Traxectoria

Estudou o bacharelato na Coruña e Dereito en Santiago de Compostela e Madrid. En 1948 publicou o seu primeiro libro de relatos, La linterna mágica, ao que seguiron dous anos despois a novela curta El hombre de las tres escopetas e, en 1951, a súa primeira novela longa, El torerillo de invierno. Fundou en 1954 con Urbano Lugrís a revista Atlántida. Instalouse en Madrid en 1956, onde colaborou na prensa e foi guionista de radio, televisión e cine, e tradutor. Fundou en 1963 a revista de radio e televisión CAR. Publicou once novelas, cinco libros de contos e cincuenta biografías noveladas (publicadas co pseudónimo de René Luard). Recibiu o Premio Nacional de Periodismo Julio Camba (1988) e a Medalla de Bronce de Galicia (1998).

Obras

Narrativa

• La linterna mágica, 1948.
• El hombre de las tres escopetas, 1953.
• Más que maduro, 1956.
• El aliento del diablo, 1978.

Ensaio

• La Bella Otero, 1957.
• Valle-Inclán, vida y milagros, 1969.
• La Galería Siniestra, 1968-1972.
• Azorín, 1969.
• Camilo José Cela, 1970.
• Vivir en La Coruña, 1976.
• Álvaro Cebreiro, 1983.
• Aquellas tertulias de Madrid, 1984.

Vida persoal

Casou con Ascensión González Deus, e foi pai de Mariano, Olivia, Lucía e Luís Rodríguez González.

Véxase tamén

Ligazóns externas

• Obituario en El País.