Manuel García Portela
| Biografía | |
|---|---|
| Nacemento | 6 de xuño de 1905  As Vendas da Barreira, España |
| Morte | 11 de maio de 1966 (60 anos) Guadarrama, España |
| Causa da morte | morte accidental, accidente de tráfico |
| Actividade | |
| Ocupación | cirurxián |
| Descrito pola fonte | Gran Enciclopedia Galega Silverio Cañada |
 | |
Manuel García Portela, nado nas Vendas da Barreira (Riós) o 6 de xuño de 1905[1] e finado en Guadarrama o 11 de maio de 1966, foi un médico galego.
Traxectoria
[editar | editar a fonte]Rematou a carreira de Medicina en Madrid en 1928, e foi axudante de cirurxía de Laureano Olivares Sexmilo. Bolseiro da JAE, perfeccionou coñecementos en Heidelberg e Tubinga. Estaba alí cando se produciu o golpe de Estado do 18 de xullo de 1936 e ofreceuse ao bando sublevado en Verín, aínda que foi rexeitado ao non existir praza de cirurxián. Insistiu en Burgos e foi destinado ao Hospital Militar de Griñón (Madrid), alcanzando o grao de capitán. Logo duns anos en Madrid, foi cirurxián nas institucións de Beneficencia da Deputación de Lleida. O 30 de xaneiro de 1942 foi nomeado cirurxián-xefe do Hospital provincial de Palencia. Dende o 20 de outubro de 1943 foi cirurxián-xefe do Hospital provincial Santa María de Lugo. Foi director do Hospital Provincial e decano da Beneficencia, numerario da Real Academia de Medicina e Cirurxía de Galicia, da Sociedade de Cirurxía de Galicia é da Sociedade Internacional de Cirurxía. Foi presidente da xestora do aeroclub de Lugo. Finou nun accidente de tráfico en Guadarrama o 11 de maio de 1966 xunto co seu sobriño político Dositeo Bal Piñeiro.[2]
Recoñecementos
[editar | editar a fonte]Unha rúa de Lugo leva o seu nome.
Vida persoal
[editar | editar a fonte]Casou con Esther Díaz López, e foi pai de Francisco Javier, María e Esther García Díaz.
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Gurriarán, Ricardo (2006). Ciencia e conciencia na Universidade de Santiago (1900-1940). USC. p. 497. ISBN 978-84-9750-644-1.Gurriarán&rft.btitle=Ciencia e conciencia na Universidade de Santiago (1900-1940)&rft.date=2006&rft.genre=book&rft.isbn=978-84-9750-644-1&rft.pages=497&rft.pub=USC&rft_id=https://books.google.es/books?id=XmhfGF_jgoUC&pg=PA497&dq=%22Manuel+Garc%C3%ADa+Portela%22&hl=es&sa=X&ved=2ahUKEwjxs5Dzgtf3AhVKTBoKHXPXCCQ4ChDoAXoECAMQAg#v=onepage&q=%22Manuel%20Garc%C3%ADa%20Portela%22&f=false&rft_val_fmt=info:ofi/fmt:kev:mtx:book" class="Z3988">
- Vilanova, Alberto (2005). "García Portela, Manuel". Gran Enciclopedia Galega (DVD). El Progreso. ISBN 84-87804-88-8.Vilanova&rft.btitle=Gran Enciclopedia Galega&rft.date=2005&rft.genre=bookitem&rft.isbn=84-87804-88-8&rft.pub=El Progreso&rft_val_fmt=info:ofi/fmt:kev:mtx:book" class="Z3988">
Ligazóns externas
[editar | editar a fonte]- Cora, José de (3/3/2021). "Manuel García Portela" El Progreso (en castelán).
