Luis Rodríguez Ennes

Luis Rodríguez Ennes

Biografía
Nacemento	9 de marzo de 1946 (78 anos) A Coruña, España
Decano
Cruz de Honra da Orde de San Raimundo de Peñafort
Datos persoais
Educación	Universidade de Santiago de Compostela
Actividade
Ocupación	Xurista e mestre
Empregador	Universidade de Santiago de Compostela Universidade de Vigo
Membro de	Real Academia de la Historia (membro correspondente) Real Academia de Xurisprudencia e Lexislación Sociedad Española de Estudios Clásicos (en)
Premios
(2016)  doutor honoris causa, premiado polo traballo Universidade Nacional do Comahue (pt) (2011)  Orde de San Raimundo de Peñafort

Luis Rodríguez Ennes, nado na Coruña o 9 de marzo de 1946, é un xurista galego, catedrático de Dereito Romano e Sistemas Xurídicos Comparados na Facultade de Dereito de Ourense (Universidade de Vigo). Dende febreiro de 2017 segue en activo nesta universidade como profesor emérito.

Biografía

Licenciouse en Dereito pola Universidade de Santiago de Compostela, centro no que tamén obtivo o título de doutor en Dereito co número 1 do Premio Extraordinario, en 1975, coa tese La adopción: bases para una reforma de la normativa vigente en España a partir de la experiencia histórica y del Derecho comparado. Foi Premio Nacional de Fin de Carreira ó mellor expediente académico.

Foi bolseiro de investigación do Ministerio de Educación e do British Council. Ampliou estudos en universidades de toda Europa.

Exerceu diversos cargos académicos, ocupando praza de profesor axudante, adxunto, agregado e titular até obter, por unanimidade, a cátedra de Dereito Romano; todo iso en función dos oportunos concursos.

Na Universidade de Santiago de Compostela exerceu o cargo de vicedecano da Facultade de Dereito, vicepresidente do Claustro Universitario e secretario xeral da universidade. Dende 1979 até 1981 foi secretario xeral do centro rexional da Universidade Nacional de Eduación a Distancia de Pontevedra, a cuxa organización e consolidación contribuíu de xeito decisivo, pero renunciou a este cargo para dedicarse en exclusiva á docencia e investigación.

Na Universidade de Vigo exerceu como asesor xurídico, vicepresidente do Claustro, presidente da comisión que redactou os primeiros estatutos da Universidade, e tamén como decano da Facultade de Dereito de Ourense.