Luc Luycx

Luc Luycx

Biografía
Nacemento	11 de abril de 1958 (66 anos) Aalst, Bélxica
Actividade
Ocupación	escultor, deseñador
Obra
Obras destacables (2002) Moedas de euro

Luc Luycx (pronunciado [ˈlyk ˈlwyks] en neerlandés), nado o 11 de abril de 1958 en Aalst, na provincia belga de Flandres Occidental, é un enxeñeiro informático, deseñador e gravador de medallas e moedas.

Traxectoria

Como traballador da Real Casa da Moeda de Bélxica, en 1997 resultou gañador do concurso para o deseño dos reversos comúns das primeiras series de moedas con valor facial en euros, postas en circulación o 1 de xaneiro de 2002, motivo polo cal estas amosan un monograma composto por dous L entrelazados.

Luc Luycx fora anteriormente o responsable do deseño dalgunhas das medallas conmemorativas para os sobres de primeiro día da empresa belga de correo, así como de diversas pezas de ouro e prata cuñadas na ceca oficial dese país e con valor en francos.

Obras máis salientables

Emisións regulares en euros da eurozona

A selección dos proxectos de Luc Luycx para o reverso común das primeiras moedas de euro da eurozona foi anunciada no Consello Europeo celebrado en Ámsterdam o 13 de xuño de 1997. Estes deseños representan a Unión Europea en diferentes escalas: o seu lugar no mundo, nas pezas de 1, 2 e 5 céntimos; os países membros, sobre un mapa de Europa, nas moedas de 10, 20 e 50 céntimos; e eses mesmos países sen as súas fronteiras nas pezas dun e dous euros.

A seguinte galería amosa os reversos comúns da serie circulante en euros e céntimos de euro, deseñados por Luc Luycx (amosan o monograma LL en diferentes lugares):

• Reversos comúns da serie do euro
• 
  1 céntimo
• 
  2 céntimos
• 
  5 céntimos
• 
  10 céntimos
• 
  20 céntimos
• 
  50 céntimos
• 
  1 euro
• 
  2 euros

Moedas belgas conmemorativasde 2 euros

Desde 2004, á parte da emisión da serie regular en euros, cada país pon en circulación anualmente unha ou varias moedas de dous euros cun anverso alternativo para conmemorar diferentes feitos. Luc Luycx encargouse do deseño de varias destas pezas conmemorativas emitidas por Bélxica:

• 2005: conmemorativa da unión económica entre Bélxica e Luxemburgo. Dáse a curiosidade de que esta foi a primeira moeda en euros cuxo anverso e reverso foron deseñados polo mesmo artista.
• 2006: conmemoprativa da reapertura do Atomium.
• 2008: conmemorativa do 60 aniversario da Declaración Universal dos Dereitos do Home.
• 2009: conmemorativa do 200 aniversario do inventor francés Louis Braille.
• 2010: conmemorativa da presidencia belga do Consello da Unión Europea.
• 2011: conmemorativa do centenario do Día Internacional da Muller.
• 2012: conmemorativa do 75 aniversario co concurso musical internacional Raíña Isabel.
• 2014: conmemorativa do centenario do comezo da primeira guerra mundial.
• 2014: conmemorativa do 150 aniversario da Cruz Vermella en Bélxica.
• 2018: conmemorativa das manifestacións do do 50 aniversario de maio de 1968 en París.

Outras

• 

  Monograma LL de Luc Luycx no deseño dunha moeda global de 2009

  Á parte das citadas emisións en euros (tanto regulares como conmemorativas) destinadas á súa circulación en toda a eurozona, Luycx é tamén o autor de todos os deseños das moedas en euros de ouro e de prata emitidas anualmente pola ceca belga e destinadas non á circulación senón á colección e o investimento.
• A Luycx débeselle tamén o deseño da proposta de moeda global presentada no cumio do G8 en L'Aquila en 2009 polo presidente ruso Dimitrii Medvedev.

Véxase tamén

Outros artigos

• Moedas de euro
• Moedas conmemorativas de 2 euros
• Lista de deseñadores das moedas de euro

Ligazóns externas

• Vídeo sobre a figura de Luc Luycx