Lorena Miranda

Lorena Miranda

(2013)
Biografía
Nacemento	7 de abril de 1991 (33 anos) Ceuta, España
Actividade
Ocupación	xogadora de wáter-polo
Deporte	wáter-polo
Participou en
2012	Xogos Olímpicos de 2012

Lorena Miranda Dorado, nada o 7 de abril de 1991 en Ceuta, é unha xogadora española de wáter-polo do Club Waterpolo Dos Hermanas en Dos Hermanas (Sevilla). Anteriormente, formou parte do equipo do Club Natación Ondarreta Alcorcón, tendo as súas orixes no Club Natación Caballa de Ceuta.

Traxectoria

Participou nos Xogos Olímpicos de Londres de 2012 co equipo nacional do seu país, acadando a medalla de prata, despois de vencer nas semifinais a Hungría por un marcador de 9-10 e perder na final contra os Estados Unidos (8-5).

Tamén participou no Campionato do Mundo de Wáter-polo en 2013 coa selección feminina, obtendo a medalla de ouro após gañar a Australia.

Palmarés deportivo

Selección española

• Medalla de ouro no Campionato do Mundo Júnior de Wáter-polo ( Trieste 2011)
• Medalla de ouro no Preolímpico de Trieste (2012)
• Medalla de prata nos Xogos Olímpicos de Londres (2012)
• Medalla de ouro no Campionato do Mundo de Wáter-polo (Barcelona - 2013)
• Medalla de ouro no Campionato do Mundo de Wáter-polo (Budapest - 2014)

Distincións

• Medalla de Bronce da Real Orde do Mérito Deportivo, outorgada polo Consello Superior de Deportes (2013).
• Medalla de Prata da Real Orde do Mérito Deportivo, outorgada polo Consello Superior de Deportes (2014).