Leopoldo Durán
| Biografía | |
|---|---|
| Nacemento | 1917  Couso, España |
| Morte | 10 de abril de 2008 (90/91 anos) Vigo, España |
| Relixión | Igrexa católica |
| Actividade | |
| Ocupación | sacerdote católico, escritor |
   | |
Leopoldo Durán Justo, nado en Penedo (Avión) en 1917 e finado en Vigo o 10 de abril de 2008, foi un crego católico e escritor galego.
Traxectoria
[editar | editar a fonte]Ordenouse sacerdote en Astorga en 1943 e doutorouse en teoloxía en Roma, en filosofía na Universidade Complutense de Madrid,onde impartiu clases, e en literatura inglesa no King's College de Londres, cunha tese sobre a figura do crego na narrativa de Graham Greene. Foi profesor de literatura, de filosofía e de teoloxía en varios seminarios maiores. Viviu en Inglaterra durante unha trintena de anos, e alí foi onde coñeceu, en 1972, o escritor sobre o que fixera a tese. A partir dese momento acompañou o escritor nas súas viaxes e estadías, tanto en Galicia e España como en Nisa e en Vevey, onde faleceu o novelista.
Patrón durante dous anos da fundación que levaba o nome do escritor, dise que a súa figura inspirou algunha das obras de Greene, como Monseñor Quijote, onde se retrata a emigración de Avión a México, se ben el negaba esa posibilidade[1].
En 2024 Aser Álvarez empezou a preparación dun proxecto sobre o escritor Graham Greene, a súa estadía na Galiza e a súa amizade co cura Leopoldo Durán.[2]
Obras
[editar | editar a fonte]- La crisis del sacerdote en Graham Greene ( 1974)
- Estudio sobre 'El poder y la gloria' (1981)
- Miguel de Palacios: Un gran teólogo desconocido (1988)
- Graham Greene, friend and brother (1994)
- Graham Greene: An Intimate Portrait (1995)
- Los médicos y Graham Greene (1998).
- Soledades y sonetos terribles (2000)
Notas
[editar | editar a fonte]- ↑ Leopoldo Durán, el cura confidente de Graham Greene, El País, 25/04/08
- ↑ Xestoso, Manuel (28 de agosto 2024). "Graham Greene, os servizos secretos británicos e un sacerdote de Avión. O cura galego Leopoldo Durán realizou quince viaxes pola península Ibérica en compaña do escritor británico. Leopoldo Durán e Graham Greene nunha das súas viaxes pola península Ibérica". Nós Diario: 28, 29.
