L'equivoco stravagante
| L'equivoco stravagante Un curioso malentendido | |
|---|---|
| Forma | Ópera |
| Actos e escenas | 2 actos |
| Idioma orixinal do libreto | Italiano |
| Libretista | Gaetano Gasbarri |
| Estrea | 26 de outubro de 1811 |
| Teatro da estrea | Teatro del Corso |
| Lugar da estrea | Boloña |
| Música | |
| Compositor | Gioachino Rossini |
| Localización da partitura | Perdida |
| Personaxes | |
Ernestina (contralto) | |
L'equivoco stravagante (en galego O curioso malentendido) é unha ópera en dous actos con música de Gioachino Rossini e libreto en italiano de Gaetano Gasbarri. Foi estreada o 26 de outubro de 1811 no Teatro del Corso de Boloña (Italia). Trátase da primeira ópera a grande escala de Rossini.
Historia
[editar | editar a fonte]L'equivoco stravagante foi estreada no Teatro del Corso de Boloña o 26 de outubro de 1811. A pesar do seu éxito inicial, a ópera non tivo unha longa vida e tan só foi representada tres veces antes de que a policía pechara a produción, posíblemente a causa de que o texto tocaba o tema da deserción do exército. A música da abertura perdeuse posteriormente.
Logo dun longo período esquecida, tivo varias representacións no Teatro San Carlo de Nápoles en 1974, con Sesto Bruscantini como Gamberotto, e Rolando Panerai como Buralicchio.
A ópera foi producida por primeira vez nos Estados Unidos (na tradución inglesa como The Bizarre Deception) pola Bronx Opera en xaneiro de 2004.[1]
Esta ópera represéntase moi pouco na actualidade, figurando nas estatísticas de Operabase con tan só dúas representacións no período 2005-2010.[2] A pesar de non ter entrado aínda no repertorio habitual, conta con grandes interpretacións no Rossini Opera Festival.
Personaxes
[editar | editar a fonte]| Poersonaxe | Tesitura | Elenco na estrea, 26 de outubro de 1811 (Director: Giuseppe Boschetti) |
|---|---|---|
| Gamberotto, un rico granxeiro | baixo | Domenico Vaccani |
| Ernestina, filla de Gamberotto | contralto | Marietta Marcolini |
| Buralicchio, un home xove rico, prometido de Ernestina | baixo | Paolo Rosich |
| Ermanno, un home xove pobre, namorado de Ernestina | tenor | Tommaso Berti |
| Rosalia, unha empregada de Ernestina | mezzosoprano | Angiola Chies |
| Frontino, un servinte de Gamberotto e confidente de Ermanno | tenor | Giuseppe Spirito |
Argumento
[editar | editar a fonte]A ópera ten lugar a principios do século XIX en Italia. Baséase na historia de amor na que o rico e parvo Buralicchio é disuadido de casar con Ernestina polas calumnias verquidas sobre ela por parte do seu amante Ermanno, con quen si poderá casar.
Acto I
[editar | editar a fonte]Gamberotto, novo rico dedicado á venda de hortalizas, decide casa-la súa filla, Ernestina, co parvo Buralicchio. Ermanno, namorado de Ernestina, logrará converterse no seu profesor de filosofía grazas á axuda dos dous servos de Gamberotto, Rosalía e Frontino. Unha vez dentro da casa de Gamberotto, Ermanno confesa o seu amor a Ernestina, quen rechaza a súa petición ao estar prometida a Buralicchio. Ermanno, desolado, trata de suicidarse, mais Ernestina e os servos evítano a tempo. Agora Ermanno e Ernestina son amantes. Buralicchio percátase de que hai algo entre eles, polo que arma tal escándalo que a policía persónase na casa de Gamberotto.
Acto II
[editar | editar a fonte]Frontino deixa caer unha carta falsa na que se di que Ernestina é en realidade Ernesto, un castrado que pretende desertar do exército, co fin de desfacerse de Buralicchio e que Ermanno poida casar con Ernestina. Buralicchio le a carta e, cego pola ira, comunica a traizón do falso Ernesto á garda, polo que Ernestina é detida. Mais Ernestina conseguirá escapar da prisión vestida de policía e coa axuda de Ermanno. Frontino descúlpase a Gamberotto polos problemas causados. Finalmente, Gamberotto permitirá o matrimonio entre Ernestina e Ermanno.
Orquestración
[editar | editar a fonte]A partitura de Rossini require:
Para os recitativos:
- Piano (violoncello e contrabaixo ad libitum)
Estrutura
[editar | editar a fonte]- Sinfonia
Acto I
[editar | editar a fonte]- 1 Introduzione:
- Terzetto Si cela in quelle mura (Ermanno, Frontino, Rosalia)
- Coro Allegri, compagnoni
- Cavatina Mentre stavo a testa ritta (Gamberotto)
- Stretta Se mi destina un tanto onore (Gamberotto, Ermanno, Frontino, Rosalia)
- 2 Cavatina Occhietti miei vezzosi (Buralicchio)
- 3 Duettino Ah, vieni al mio seno
- 4 Coro e cavatina Oh come tacita - Nel cuor un vuoto io provo (Ernestina)
- 5 Coro Andrem, vedrem
- 6 Quartetto Ti presento a un tempo istesso (Gamberotto, Ernestina, Ermanno, Buralicchio)
- 7 Aria Parla, favella, e poi (Gamberotto)
- 8 Aria Quel furbarel d'amore (Rosalia)
- 9 Duetto Sì, trovar potrete un altro (Ermanno, Ermanno)
- 10 Finale I
- Terzetto Volgi le amabili (Gamberotto, Buralicchio, Ernestina)
- Quartetto Che vedo, oh stelle! (Ermanno, Frontino, Rosalia, Ernestina)
- Stretta Alme infide! (Buralicchio, Gamberotto, Ermanno, Ernestina, Rosalia, Frontino, Coro)
Acto II
[editar | editar a fonte]- 11 Introduzione Perché sossopra (Coro, Frontino)
- 12 Aria Vedrai fra poco nascere (Frontino)
- 13 Duetto Vieni pur, a me t'accosta (Ernestina, Buralicchio)
- 14 Recitativo e Aria E mi lascia così? - Sento da mille furie (Ermanno)
- 15 Quintetto Speme soave (Ernestina, Ermanno, Rosalia, Gamberotto, Buralicchio, Coro)
- 16 Aria Il mio germe (Gamberotto)
- 17 Cavatina D'un tenero ardore (Ermanno)
- 18 Scena e rondò con cori Il periglio passò - Se per te lieta torno - Vicina al termine (Ernestina, Coro)
- 19 Finale Scapperò, questo mi pare (Buralicchio, Frontino, Gamberotto, Ermanno, Ernestina, Coro)
Discografía
[editar | editar a fonte]| Ano | Elenco: Gamberotto, Ernestina, Buralicchio, Ermanno |
Director,
Orquestra e Teatro |
Selo [3] |
|---|---|---|---|
| 2001 | Marco di Felice, Petia Petrova, Marco Vinco, Vito Martino |
Alberto Zedda, Czech Chamber Soloists and Chorus, Rossini in Wildbad Opera Festival |
CD de son: Naxos Cat: 8.660087-88 |
| 2002 | Bruno Praticò, Silvia Tro Santafé, Lorenzo Regazzo, Antonino Siragusa |
Donato Renzetti, ROF Orchestra e Coro de Cámara de Praga, Rossini Opera Festival |
CD de son: Hose of Opera Cat: CD9927 |
| 2008 | Bruno de Simone, Marina Prudenskaja, Marco Vinco, Dmitry Korchak |
Umbero Benedetti Michelangeli, Orchestra Haydn di Bolzano e Trento, Rossini Opera Festival |
DVD: Dynamic Cat: 33610 |
| 2018 | Giulio Mastrototaro, Antonella Colaianni, Emmanuel Franco, Patrick Kabongo |
José Miguel Pérez Sierra, Virtuosi Brunenses e Górecki Chamber Choir, Rossini in Wildbad Opera Festival |
Notas
[editar | editar a fonte]- ↑ Tommasini, January 16, 2004
- ↑ "Estatísticas de Operabase". Arquivado dende o orixinal o 14 de maio de 2017. Consultado o 02 de xullo de 2012.
- ↑ Gravacións de L'equivoco stravagante en operadis-opera-discography.org.uk
Véxase tamén
[editar | editar a fonte] |
A Galipedia ten un portal sobre: Ópera |
Bibliografía
[editar | editar a fonte]- Holden, Amanda (Ed.), The New Penguin Opera Guide, Nova York: Penguin Putnam, 2001. ISBN 0-14-029312-4
- Osborne, Charles, The Bel Canto Operas of Rossini, Donizetti, and Bellini, Portland, Oregon: Amadeus Press, 1994 ISBN 0-931340-71-3
- Osborne, Richard: "Equivoco stravagante, L'" in The New Grove Dictionary of Opera, Stanley Sadie (Ed.). (Londres: MacMillan, 1992) ISBN 0-333-73432-7
Ligazóns externas
[editar | editar a fonte]- Libreto en italiano en Karadar.com
- AmadeusOnLine.net (en italiano)
- Tommasini, Anthony, "CLASSICAL MUSIC AND DANCE GUIDE", New York Times, 16 de xaneiro de 2004. (en inglés)
