Kuopio

Kuopio

Brasón
Localización
62°53′33″N 27°40′42″L
Estado	Finlandia
Axencia Rexional	Regional State Administrative Agency for Eastern Finland (en)
Rexión	Savonia do Norte
Capital de	Savonia do Norte
Poboación
Poboación	124.131 (2024) (38,29 hab./km²)
Lingua oficial	lingua finesa
Xeografía
Situado na entidade territorial estatística	Subrexión de Kuopio
Superficie	3.241,74 km²
Altitude	82 m
Comparte fronteira con	Iisalmi Rautavaara Siilinjärvi Suonenjoki Tervo Pielavesi Lapinlahti Leppävirta Juuka Kaavi Tuusniemi
Datos históricos
Precedido por	Vehmersalmi, Karttula, Nilsiä, Maaninka, Juankoski, Kuopion maalaiskunta e Riistavesi
Creación	1653
Organización política
• Xefe do goberno	Jarmo Pirhonen (en) (2018–)
Órgano lexislativo	Kuopio City Council (en) , (Escano: 59)
Identificador descritivo
Código postal	70101–70840
Fuso horario	UTC 02:00, horario estándar UTC 03:00, horario de verán
Outro
Irmandado con	Castrop-Rauxel Condado de Lääne-Viru Alūksne (en) Bodø Svendborg (pt) Pitkyaranta (en) Pudong Craiova (pt) Shanghai Besançon Winnipeg Concello de Jönköping (1940–) Minneapolis (1972–) Gera (1972–) Győr (1978–) Opole (pt) (1980–) Pskov (1986–)
Sitio web	kuopio.fi

Kuopio é unha cidade da rexión de Savonia do Norte (Finlandia). Ten 97.552 habitantes (2012), sendo a cidade máis poboada da provincia de Finlandia Oriental.

Kuopio é coñecida por ser o berce dos pasteis de peixe finlandeses Kalakukko, polo dialecto Savo, polo outeiro de Puijo e pola torre de Puijo, que ofrece ao visitante unha vista magnífica da rexión. O outeiro de Puijo alberga tamén unha competición anual de salto de esquí.

Topónimo

Hai diversas hipóteses sobre a orixe do nome Kuopio. A primeira remóntase ao século XVI, cando un persoeiro de grande influencia chamado Kauhanen en Tavinsalmi trocou o seu nome por Skopa e a pronunciación da xente era Coopia, derivando despois a Cuopio. A segunda explicación afirma que o nome provén do verbo finés kuopia, que quere dicir, por exemplo, cando un cabalo raña o chan cos pezuños. A terceira hipótese di que o nome viría dun nome de home propio de Carelia Prokopij, de Ruokolahti na Idade Media. Esta última explicación parece ser a máis probable, xa que está documentada polo Instituto de Investigación para as Linguas de Finlandia.

Historia

Kuopio foi fundada en 1653 polo gobernador Peter Brahe, mais a data oficial de fundación recoñecida é o 17 de novembro de 1775, cando o rei Gustavo III de Suecia ordenou que fose establecida a cidade de Kuopio. O municipio de Karttula foi anexionado ao de Kuopio en 2011, do mesmo xeito que fixeran anteriormente os de Vehmersalmi (2005), Riistavesi (1973) e Kuopion maalaiskunta (1969).

Demografía

Evolución da poboación :

1792 - 751 1889 - 8.100 1904 - 13.519 1923 - 20.088 1961 - 45.000

1970 - 66.000 1983 - 76.792 1987 - 78.916 1990 - 80.613 1997 - 85.862

2000 - 86.651 2002 - 87.821 2004 - 90.518 2012 - 97.552

Xeografía

A cidade está rodeada polo lago Kallavesi e parte da cidade foi construída en illas, como o proxecto Saaristokaupunki (literalmente Cidade Arquipélago), a área residencial máis grande que se está a construír na actualidade en Finlandia. O seu relevo é bastante marcado, estando o centro da cidade dominado polo outeiro de Puijo e a súa torre.

Dende a súa fusión con Vehmersalmi en 2005, limita cos concellos de: Siilinjärvi e Nilsiä ao norte, Juankoski e Tuusniemi ao leste, Leppävirta ao sur, Suonenjoki e Kartula ao oeste, e Maaninka ao noroeste.

Clima

Kuopio
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Ano
Temperatura media máxima (°C)	-6,2	-5,9	-0,3	5,5	14	19,2	21,4	18,5	12,3	5,9	-0,2	-4,1	6,68
Temperatura media mínima (°C)	-13,2	-13,4	-8,3	-2,8	3,8	10,4	13,1	11,3	6,4	1,5	-4,5	-10.3	-0.5
Precipitacións (mm)	41,2	31,1	34,2	31,9	38,8	65,4	76,9	80,2	58,6	52,8	51,1	45,6	607,8
Fonte: World Meteorological Organisation (UN)

Lingua

A meirande parte da poboación de Kuopio fala finés, habendo unha minoría de falantes de sueco (0,1%). Algunhas das primeiras escolas con estudos en finés foron creadas en Kuopio, como a escola para cegos (1871) e a escola de comercio (1887). A nivel dialectal, a cidade está situada en plena zona dos dialectos da Finlandia oriental, e máis concretamente os que son denominados Savo (de Savonia), os cales ocupan unha extensión moito máis grande do que é, de feito, a rexión histórica de Savonia.

Educación e cultura

Kuopio é unha das cidades con maior tradición no campo da educación. A cidade é coñecida como o centro cultural de Finlandia Oriental, oferecendo diversos eventos importantes como o festival de danza de Kuopio e o festival de viño de Kuopio.

Véxase tamén

Ligazóns externas

• Sitio web oficial
• Universidade de Kuopio
• Información adicional sobre Kuopio