Kris Joseph

Kris Joseph

(2009)
Biografía
Nacemento	17 de decembro de 1988 (35 anos) Montreal, Canadá
Educación	Universidade de Syracuse - título de grao Archbishop Carroll High School (en)
Altura	201 cm
Peso	95 kg
Actividade
Ocupación	baloncestista
Período de actividade	2012 -
Deporte	baloncesto basquetebol universitário norte-americano (pt)
Liga	NBA G League, Baloncesto masculino da División I da NCAA e National Basketball Association
Posición de xogo	Ala
Número deportivo	32
Convocado por	Boston Celtics
Traxectoria   Equipo – Boston Celtics – Brooklyn Nets – Élan Chalon – Maine Celtics – Springfield Armor 2008–2012 Syracuse Orange (Ala)

Kristopher Carlos Joseph, nado o 17 de decembro de 1988 en Montreal, Quebec, é un xogador canadense de baloncesto profesional. Actualmente non ten equipo.

Traxectoria

Instituto

Joseph tivo problemas ó comezar a competir, xa que o botaron do seu equipo cando tiña 14 anos. Traballou o seu xogo, medrou, e converteuse nunha estrela no Sun Youth, un equipo da Liga de Baloncesto de Montreal. En recomendación do adestrador Henry Wong, a nai de Joseph aceptou que o seu fillo deixara Montreal en 2006, para completar os dous anos que lle quedaban no Archbishop Carroll, en Washington, D.C..

Coma sénior, Joseph liderou ó Archbishop Carroll a unha marca de 26-11. Esa tempada, Joseph conseguiu entrar no segundo equipo de 2008, elixido polo The Washington Post.

Universidade

Joseph comezou a ter minutos xa moi cedo, e xogou o seu primeiro partido de titular o 2 de xaneiro de 2009 contra Florida do Sur, anotando sete puntos e capturando tres rebotes. Na súa segunda tempada, converteuse nun importante reserva para Syracuse, rematou a tempada con 11.0 puntos e 5.4 rebotes por partido, e foi nomeado Sexto Home do Ano da Big East Conference.

No seu ano coma júnior, mellorou de novo os seus rexistros, e liderou a Syracuse en anotación con 14.3 puntos por partido, sendo ademais o segundo máximo reboteador do equipo, con 5.2 rebotes por encontro; números que melloraría tamén no seu derradeiro ano universitario.

Profesional

O 28 de xuño de 2012, Joseph foi elixido na 51ª posición do Draft da NBA de 2012 polos Boston Celtics. O 3 de xullo de 2012, Joseph asinou un contrato cos Celtics. Durante a súa estancia nos Celtics, foi asignado varias veces ó seu afiliado na NBA D-League, os Maine Red Claws. O 6 de xaneiro de 2013, Joseph foi cortado polos Celtics.

O 6 de febreiro de 2013, Joseph fichou polos Maine Red Claws. Cinco días máis tarde, o 11 de febreiro, foi traspasado ós Springfield Armor a cambio de James Mays. O 2 de abril de 2013, asinou un contrato de 10 días cos Brooklyn Nets. O 12 de abril de 2013, asinou para o resto da tempada.

Joseph foi traspasado ós Boston Celtics o 12 de xullo de 2013, nun gran traspaso que mandou ás estrelas dos Celtics Kevin Garnett e Paul Pierce ós Nets. O 15 de xullo de 2013, foi cortado polos Celtics.

Véxase tamén

Ligazóns externas

• Estatísticas en Basketball-Reference.com Arquivado 08 de decembro de 2012 en Wayback Machine. (en inglés)