Karen Blixen

Karen Blixen

Biografía
Nacemento	(da) Karen Christentze Dinesen 17 de abril de 1885 Rungstedlund, Dinamarca (en)
Morte	7 de setembro de 1962 (77 anos) Rungstedlund (Dinamarca)
Lugar de sepultura	Rungstedlund (en)
Actividade
Campo de traballo	Prosa e poesía
Ocupación	escritora de contos
Período de actividade	1905 - 1959
Membro de	Academia Bávara de Belas Artes
Xénero artístico	Neo-romantismo (pt) , literatura gótica (pt) e realismo máxico
Pseudónimo literario	Tania Blixen Pierre Andrézel Isak Dinesen Osceola
Obra
Obras destacables (1937) Den afrikanske Farm (1950) Babette's Feast (en)
Familia
Cónxuxe	Bror von Blixen-Finecke (1914–)
Pais	Wilhelm Dinesen   e Ingeborg Dinesen
Irmáns	Thomas Dinesen Ellen Dahl
Parentes	Bror von Blixen-Finecke, curmán segundo
Premios
(1957)  Danish Critics Prize for Literature (en) (1952)  De Gyldne Laurbær (en) , premiado polo traballo Babette's Feast (en) (1950)  Ingenio et arti (en) (1949)  Holberg Medal (en) (1939)  Tagea Brandt Rejselegat (en)
Sinatura
Descrito pola fonte	Dictionary of African Biography, Metzler Autorinnen Lexikon (en) , (p.61–62) >>>:Blixen-Fenicke, Karen (geb. Dinesen, Ps. Isak Dinesen)
Sitio web	karenblixen.com

Karen Blixen, á dereita, en 1957

Karen Christence Blixen-Finecke, tamén coñecida polos sobrenomes Isak Dinesen e Pierre Andrézel, nada en Rungsted o 17 de abril de 1885 e finada o 7 de setembro de 1962, foi unha escritora de orixe dinamarqués en lingua inglesa e dinamarquesa.

Traxectoria

Nenez

Karen Blixen naceu en Rungstedlund, ao norte da illa danesa de Selandia, sendo a segunda filla dun grupo de cinco rapaces: Inger, Karen, Ellen (mozas), Thomas e Anders (rapaces, os mais novos dos cinco) nacidos da unión entre o escritor e capitán Wilhelm Dinesen e Ingeborg Dinesen. En 1895 Wilhelm Dinesen, o pai, suicidouse á idade 49 anos, e así ficou a nai soa cos cativos que daquela tiñan entre un e doce anos. O seu pai viña dunha familia próspera, a súa nai non. Karen, pola súa parte, medrou nunha contorna semellante á dunha familia nobre; tiñan criados e solvencia económica. Hoxe en día a súa casa de infancia en Rungstedlund está convertida nun museo, o Museo de Karen Blixen.

Viaxe a África e volta a Dinamarca

En 1914, Blixen trasladouse á África do Leste, daquela baixo dominio británico, o que hoxe é Kenya. Alí tiña unha plantación de café principiada xunto ao marido, o seu curmán segundo o barón Bror Blixen-Finecke, con quen casara aquel mesmo ano. En 1921 separáronse e no ano 1925 divorciáronse, mais Blixen ficou en África até 1931. Era moi feliz coa vida na granxa, mais había ao menos tres razóns que motivaban o seu regreso a Dinamarca:

• A saúde: Dende 1914 sufría de sífilis e tivo que regresar en numerosas ocasións a Dinamarca para recibir tratamento.
• A crise mundial: Sensíbel á Crise de 1929, tivo dificultades coa economía da plantación.
• O amor: En 1918 coñeceu a Denys Finch-Hatton, un piloto e cazador de animais salvaxes inglés. Pasaron de ser coñecidos a ser amantes, e entre 1926 e 1931 Finch-Hatton estabeleceu a granxa coma a súa base para o tempo no que non andaba de caza ou pilotando. O 14 de maio de 1931 chocou co avión en pleno voo e feneceu.

Así as cousas, Blixen volveu a Dinamarca e alí estivo até a súa morte en 1962. As súas experiencias en África aparecen reflectidas nos seus libros Out of Africa (1937) e Skygger på Græsset -en galego, Sombras sobre a Herba- (1960).

Obra

• Sandhedens hævn (Copenhaguen, 1926)
• Seven Gothic Tales (Londres, 1934), Syv fantastiske Fortællinger (Copenhaguen, 1935)
• Out of Africa (Londres, 1937), Den afrikanske Farm (Copenhaguen, 1937)
• Winter's Tales (Londres, 1942), Vinter-Eventyr (Copenhaguen, 1942)
• Gengældelsens Veje (Copenhaguen, 1944)
• Skygger på Græsset (Copenhaguen, 1960)

Póstuma

• Ehrengard (EUA, 1962).

Véxase tamén

Ligazóns externas

• Páxina web de Karen Blixen – Isak Dinesen (en inglés)
• Pequena biografía de Isak Dinesen/Karen Blixen (en inglés)
• Museo Karen Blixen, Dinamarca (en inglés)
• Museo Karen Blixen, Kenya (en inglés)