A illa Kai Besar[1] (indonesio: Pulau Kai Besar ou Pulau Kei Besar), tamén coñecida como a Gran Kei, Nuhu Yuuta ou Nusteen, é unha illa que pertence ao arquipélago das illas Kai situado na provincia de Molucas, no leste de Indonesia.
Forma parte das illas Molucas e cobre unha área de 550 km². A segunda illa máis grande do arquipélago das illas Kai é a próxima Kai Kecil (tamén chamada «Pequena Kai»), situada ao oeste. Ao leste de Kai Besar esta o arquipélago das illas Aru. O extremo norte da illa chámase Tanjung Boranga, mentres que o extremo sur é chamado Tanjung Wedu. O punto máis alto alcanza os 900 metros sobre o nivel do mar.
