Joaquim Ventura
| Biografía | |
|---|---|
| Nacemento | 7 de xullo de 1954  (70 anos)Barcelona, España |
| Educación | Universidade de Barcelona |
| Actividade | |
| Ocupación | escritor, filólogo |
| Membro de | |
   | |
Joaquim Ventura Ruiz, nado en Barcelona o 7 de xullo de 1954, é escritor en catalán e en galego.
Traxectoria
[editar | editar a fonte]Actualmente reside en Premià de Mar (Barcelona). Licenciado en Filoloxías Galega e Portuguesa pola Universidade de Barcelona 1993 e doutor en Filoloxía Románica pola mesma universidade 1997, coa tese El Grup Nós i la cultura europea: autoretrat duna generació, que obtivo a cualificación de apto cum laude por unanimidade. Gañou o Premio Letras Galegas da Universidade de Santiago de Compostela nas edicións de 1992 e 1993.
Alén de poeta en catalán (Premio Universidade de Barcelona, 1992; Premi Philologi, 1993), en galego colabora en prensa como columnista de opinión (Galicia Hoxe) e como crítico literario en diversas publicacións, entre elas Faro de Vigo. Foi finalista do Premio Nacional da Crítica.
Alén de investigador da literatura galega tanto da súa época medieval como da contemporánea, con máis de trinta traballos, tamén é tradutor ao catalán de autores galegos como Eduardo Blanco Amor, Ramón Otero Pedrayo, Álvaro Cunqueiro e Fermín Bouza-Brey. Colaborou no proxecto da Enciclopedia Galega de Hércules Edicións co capítulo da narrativa entre 1916 e 1936.
Obra en galego
[editar | editar a fonte]Ensaio
[editar | editar a fonte]- O nacionalismo kármico de Vicente Risco (2000). Laiovento.
- As máscaras dos homes de Nós (2024). Deputación de Ourense. 252 páxs. ISBN 978-84-16643-61-5.
Edición
[editar | editar a fonte]- Doutrina e ritual da Moi Nobre Orde Galega do Santo Grial, de Vicente Risco, 1997, Xunta de Galicia.
- Epistolario de Vicente Risco a Antón Losada Diéguez, 2010, Deputación de Ourense.
- Vicente Risco no xornal Euzkadi. Artigos arredor de Galiza e o nacionalismo galego, 2018, dentro da Biblioteca Vicente Risco do selo editorial Dr. Alveiros.
Obra colectiva
[editar | editar a fonte]- A Coruña á luz das letras, 2008, Trifolium.
- En defensa do poleiro, 2010, Toxosoutos.
