Jean-Baptiste Joseph Fourier

Jean-Baptiste Joseph Fourier
	;
Biografía
Nacemento	21 de marzo de 1768 ; Auxerre (Reino de Francia)
Morte	16 de maio de 1830 (62 anos); París (Restauración Francesa)
Lugar de sepultura	Cemiterio do Père-Lachaise, 18 48°51′36″N 2°23′38″L / 48.8600498, 2.3940044; Grave of Fourier (en)
8º Cadeira 5 da Academia Francesa (pt)
	14 de decembro de 1826 – 16 de maio de 1830 ; ← Pierre-Édouard Lémontey (pt) – Victor Cousin (pt) ⊟
Prefect of Rhône (en)
	1815 – 1815
Prefect of Isère (en)
	1802 – 1815
Datos persoais
Educación	École normale (en) (1794–); École Normale Supérieure
Director de tese	Joseph-Louis Lagrange
Actividade
Campo de traballo	Análise matemática, matemáticas, física, Estudos Africanos (pt) , ciencia histórica, arqueoloxía e física matemática
Lugar de traballo	París
Ocupación	matemático
Empregador	Escola Politécnica (1795–) ; École Normale Supérieure ; Universidade de Grenoble Alpes (pt)
Membro de	Real Academia das Ciencias de Suecia (1830–); Academia de Ciencias de Rusia (1829–); Academia Francesa (1826–1830); Academia Prusiana das Ciencias (1826–); Royal Society (membro estranxeiro) (1823–); Academia francesa das ciencias (1817–); Academia Nacional de Medicina (França) (pt)
Profesores	Joseph-Louis Lagrange
Alumnos	Peter Gustav Lejeune Dirichlet
Obra
	Obras destacables equação do calor (pt) ; transformada de Fourier; (1822) Serie de Fourier ;
Doutorando	Peter Gustav Lejeune Dirichlet, Giovanni Plana (pt) e Claude Louis Marie Henri Navier (pt)
Arquivos en	Arquivos Nacionais de Francia, dossiê (pt) [ F/1bI/160/11] ;
Outro
Título	Barón
Cónxuxe	sen valor
Premios
	(11 de decembro de 1823) Membro estranxeiro da Royal Society; (1812) Grand prix des sciences mathématiques (en) ; Oficial da Lexión de Honra; os 72 nomes na Torre Eiffel (pt) ;
	Sinatura
Descrito pola fonte	Grande Enciclopedia Soviética 1969-1978, (sec:Фурье Жан Батист Жозеф); Enciclopedia soviética armenia; Georgian Soviet Encyclopedia (en) , (vol:10, p.429)

Jean-Baptiste-Joseph Fourier, nado o 21 de marzo de 1768 en Auxerre, finado o 16 de maio de 1830 en París, foi un matemático e físico francés coñecido polos seus traballos sobre a descomposición de funcións periódicas en series trigonométricas converxentes chamadas Series de Fourier, método co cal conseguiu resolver a ecuación da calor. A transformada de Fourier recibe o nome na súa honra. Foi o primeiro en dar unha explicación científica ao efecto invernadoiro nun tratado. Dedicóuselle un asteroide que leva o seu nome, descuberto en 1992.

Vida

Estudou cos beneditinos na Escola Superior de Auxerre, pero abandonou o seu camiño monástico para centrarse no estudo das ciencias.

Participou na revolución francesa e, grazas á caída do poder de Robespierre, salvouse de ser guillotinado. Incorporouse á Escola Normal Superior de París, onde tivo entre os seus profesores a Joseph-Louis Lagrange e Pierre Simon Laplace. Posteriormente, ocupou unha cátedra na Escola Politécnica.

Fourier participou na expedición de Napoleón a Exipto en 1798. Nomeado secretario perpetuo do instituto de Exipto o 22 de agosto de 1798, presenta numerosas memorias e dirixe unha das comisións de exploración do Alto Exipto. Entre as distintas funcións políticas ou administrativas que levou a cabo, destaca a de comisario francés no Divan. Á morte do Xeneral en Xefe do Exército de Oriente Jean Baptiste Kléber a mans dun fanático sirio na súa residencia no Cairo, Jean-Baptiste Joseph Fourier, amigo e colaborador do Xeneral Kléber, é quen pronuncia o eloxio fúnebre, o 17 de xuño diante do Instituto de Exipto. Ao seu regreso a Francia en 1801, Napoleón noméao prefecto de Isère entre 1802 e 1815. Fourier presenta a Jean-François Champollion aos veteranos da expedición de Exipto.

Entrou na Academia de Ciencias Francesa en 1817 e ao cabo de cinco anos converteuse no secretario perpetuo das seccións de matemáticas e física.

Traballos

Foi en Grenoble onde centrou os seus experimentos sobre a propagación da calor que lle permiten modelar a evolución da temperatura a través de series trigonométricas. Estes traballos melloraron a modelaxe matemática de fenómenos físicos e contribuíron aos fundamentos da termodinámica.

Mais a simplificación excesiva que propoñen estas ferramentas foi moi debatida, principalmente por Pierre Simon Laplace e Joseph-Louis Lagrange.

Redacta o prefacio histórico da obra Description de l'Egypte e publica en 1822 a súa famosa Théorie Analytique de la Chaleur (Teoría Analítica da Calor). Seguidor da teoría matemática da condución da calor. Estabeleceu a ecuación diferencial parcial que goberna a difusión da calor solucionándoo polo uso de series infinitas de funcións trigonométricas. Nisto introduce a representación dunha función como unha serie de senos e cosenos, agora coñecidas como as series de Fourier.

O traballo de Fourier prové o ímpeto para máis tarde traballar en series trigonométricas e a teoría das funcións de variables reais.

Outro traballo importante de J. Baptiste J. Fourier foi o método de eliminación para a solución dun sistema de desigualdades, teoría moi usada actualmente para programación linear.

Véxase tamén

Outros artigos

Ligazóns externas