Jaime Pacheco
| Biografía | |
|---|---|
| Nacemento | (pt) Jaime de Sousa Guedes Pacheco  1878 Freixo de Espada à Cinta, Portugal |
| Morte | 29 de abril de 1954 (75/76 anos) Vigo, España |
| Actividade | |
| Ocupación | fotógrafo |
 | |
Jaime de Sousa Guedes Pacheco, nado en Freixo de Espada à Cinta (Tras os Montes) en 1878 e finado en Vigo o 29 de abril de 1954,[1] foi un fotógrafo galego.
Traxectoria
[editar | editar a fonte]Iniciouse na fotografía co seu irmán Xosé Pacheco en Ourense e formou unha sociedade cinematográfica con Xosé Gil en 1899, con quen realizou exhibicións en Celanova, Verín, Braga, Porto e Lisboa. En 1907 asociouse en Vigo co estudo fotográfico de Cándida Otero, viúva de Filippo Prosperi. Co falecemento desta en 1915, a galería Viuva de Prosperi-Pacheco pasou a ser propiedade exclusiva de Xaime. Foi colaborador gráfico de Faro de Vigo, ABC, Blanco y Negro, Vida Gallega e, principalmente, de El Pueblo Gallego. Tamén colaborou en Portfolio de Galicia. Especializouse en retratos de estudo de xente anónima e de persoeiros. O seu traballo caracterizouse polo emprego da fotografía como memoria social, especialmente da cidade de Vigo.
Colaborou na ilustración de obras como Catálogo de Vigo (1922)[2] e Vigo en 1927 (1928)[3], editadas por José Cao Moure. Logo do seu falecemento, os seus fillos Alberto e Xaime continuaron co mesmo labor no estudo fotográfico.
O seu traballo, realizado cun equipo de colaboradores, quedou recompilado no Arquivo Pacheco.
Vida persoal
[editar | editar a fonte]Casou con María Avalle Lago e foi pai de Jaime e Alberto.
Notas
[editar | editar a fonte]- ↑ Necrolóxica en El Pueblo Gallego, 30-4-1954, p. 2.
- ↑ Catálogo de Vigo. Vigo a través de un siglo en Galiciana.
- ↑ Ficha de Vigo en 1927 en Galiciana.
