Iván Villar
 (2024)  | |||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) Iván Villar Martínez 9 de xullo de 1997 (27 anos)Aldán, España | ||||||||||||||||||||||||||||||||||||||||||||||||||||||||||||||||||||
| Altura | 183 cm | ||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||||
| Período de actividade | 2013 - | ||||||||||||||||||||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||
| Posición de xogo | Gardameta | ||||||||||||||||||||||||||||||||||||||||||||||||||||||||||||||||||||
| Número deportivo | 1 | ||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||
Ivan Villar Martínez, nado en Aldán (Cangas) o 9 de xullo de 1997 é un futbolista galego que xoga de porteiro no Celta de Vigo.
Traxectoria
[editar | editar a fonte]Procedente do Rápido Bahía, fichou polo Celta de Vigo en idade alevín, pasando por tódolos equipos da canteira celeste ata o Celta de Vigo B, co que debutou en 2013 na Segunda División B, aínda en idade de xuvenil. Na tempada 2015/16 foi o primeiro porteiro do filial e na tempada seguinte, 2016/17, alternou o filial coas convocatorias do primeiro equipo, co que debutou na penúltima xornada da liga de Primeira División fronte ao Deportivo Alavés, da man do adestrador Eduardo Berizzo.[1]
No verán de 2017 rexeitou continuar no filial, pois preferiu intentar gañar un posto no primeiro equipo fronte aos gardametas Rubén Blanco e Sergio Álvarez.[2] Con todo, non dispuxo de ningún minuto e en xaneiro saíu cedido ao Levante, que buscaba un porteiro para suplir a baixa do lesionado Raúl Fernández.[3] No equipo valenciano non chegou a debutar, sendo o gardameta titular Oier Olazábal. Na tempada 2018/19 regresou ao Celta B, co que disputou 39 partidos.
Na campaña 2019/20 foi o terceiro porteiro do primeiro equipo, e disputou os últimos partidos da tempada, tralas lesións de Sergio e Rubén Blanco. Os problemas destes gardametas continuaron na 2020/21, polo que Iván Villar puido xogar 23 partidos durante o ano.
Selección española
[editar | editar a fonte]Foi internacional coa selección española sub-17,[4] coa sub-19 e coa sub-21,[5] e en xullo de 2021 viaxou a Toquio para participar nos Xogos Olímpicos de 2020.[6] O seleccionador Luis de la Fuente elixiuno como terceiro porteiro, por detrás de Unai Simón e Álvaro Fernández. Aínda que non chegou a debutar no torneo, conseguiu a medalla de prata despois de que o seu equipo xogase e perdese a final contra o Brasil de Dani Alves.[7]
Selección galega
[editar | editar a fonte]
Foi convocado pola selección galega para o partido contra Panamá disputado no Estadio de Balaídos o 31 de maio de 2024, que finalizou con derrota (0–2).[8]
Notas
[editar | editar a fonte]- ↑ "Iván Villar, un debut solo ante el peligro". La Voz de Galicia (en castelán). 14 de maio de 2017. Consultado o 22 de xullo de 2021.
- ↑ "Iván Villar le dice no al filial del Celta". Marca (en castelán). 14 de xullo de 2017. Consultado o 22 de xullo de 2021.
- ↑ "El Levante se hace con la cesión del portero del Celta Iván Villar para suplir a Raúl". La Voz de Galicia (en castelán). 26 de xaneiro de 2018. Consultado o 22 de xullo de 2021.
- ↑ "El portero Iván Villar, convocado con la selección española sub 17". Faro de Vigo (en castelán). 31 de agosto de 2013. Consultado o 22 de xullo de 2021.
- ↑ "Iván Villar, citado por primera vez por la selección sub-21". Faro de Vigo (en castelán). 25 de agosto de 2017. Consultado o 22 de xullo de 2021.
- ↑ Bernardo, Julio (30 de xuño de 2021). "Iván Villar, a los Juegos Olímpicos de Tokio". Faro de Vigo (en castelán). Consultado o 22 de xullo de 2021.
- ↑ "Brasil fue mejor, tocó plata" (en castelán). 7 de agosto de 2021. Consultado o 8 de agosto de 2021.
- ↑ "CRÓNICA. A selección galega non pode cunha dura Panamá". Nós Diario. 31 de maio de 2024. Consultado o 1 de xuño de 2024.
Véxase tamén
[editar | editar a fonte]Ligazóns externas
[editar | editar a fonte]- Berto Carballo (14 de abril de 2016). "Iván Villar, el guardián de O Morrazo". Canteira Celeste (en castelán).
- Datos do xogador en BDFutbol (en castelán).
- Nados en Cangas
- Nados en 1997
- Futbolistas da provincia de Pontevedra
- Gardametas de fútbol
- Xogadores do Celta de Vigo B
- Xogadores do Celta de Vigo
- Xogadores do Levante UD
- Xogadores da selección de fútbol de España sub-17
- Xogadores da selección de fútbol de España sub-19
- Xogadores da selección de fútbol de España sub-21
- Xogadores da selección de fútbol de Galicia
- Medallistas olímpicos de Galicia
- Medallistas olímpicos de prata por España
- Medallistas olímpicos en fútbol
- Medallistas nos Xogos Olímpicos de 2020
- Futbolistas olímpicos de Galicia
- Futbolistas nos Xogos Olímpicos de 2020
- Xogadores do CD Leganés
- Xogadores do Celta de Vigo internacionais coa selección de fútbol de Galicia