Illa Gran Malvina

Illa Gran Malvina
	(en) West Falkland
Tipo	illa
Parte de	Illas Malvinas
Situado na entidade xeográfica	Illas Malvinas
Localización
División administrativa	Illas Malvinas, Reino Unido
	51°47′51″S 60°07′55″O / -51.7975, -60.131944444444
Bañado por	Océano Atlántico
Características
Punto máis alto	Mount Adam (en) (700 m )
Superficie	4.531 km²

A Illa Gran Malvina (Inglés: West Falkland) é a segunda máis extensa do arquipélago das illas Malvinas no sur do océano Atlántico, cunha superficie de aproximadamente 4,532 km², o 37% da superficie total das illas (5,413 km² incluíndo as pequenas illas adxacentes).^[1] O perímetro das súa liña costeira de 1258´7 km.^[1] É unha illa que presenta un terreo montañoso, separada da Illa Soidade por medio do Estreito de San Carlos.

Historia e características

A illa xeralmente posúe unha poboación que rolda os 200 habitantes, esparexidos nas áreas costeiras. O poboado máis importante é Port Howard, coñecido tamén como Porto Mitre na costa leste, que habitualmente ten uns 15 residentes e conta coa súa propia pista de aterraxe. Outros sitios poboados son Albermarle, Chatres, Dunnose Head, Fox Bay, Fox Bay West, Hill Cove, Porto Stephens e Roy Cove, a maioría destes unidos por camiños, algúns posúen pistas de aterraxe e peiraos.

Na illa Gran Malvina non houbo accións de importancia durante a Guerra das Malvinas en 1982, posteriormente á guerra foron instalados dous postos da Royal Air Force: Mount Alice e Mount Byron. A economía baséase nas granxas de ovellas e no turismo; a illa é coñecida polas súas pingüíns e colonias de corvos mariños. A pesca é tamén popular nos dous ríos principais, o Warrah e o Chartres.

O punto máis austral da Gran Malvina é o Cabo Belgrano. No sur existen altos cantils onde abundan as aves mariñas e no oeste hai areosas praias con augas limpas e dunas onduladas con pastos altos. As praias son un lugar preferido polos elefantes mariños.

A illa atópase, como o resto do arquipélago, administrada polo Reino Unido como parte do territorio de ultramar das Illas Malvinas. Para a Arxentina, que a reclama, forma parte do Departamento Illas do Atlántico Sur dentro da provincia de Terra do Fogo, Antártida e Illas do Atlántico Sur.

Notas

↑ ^1,0 ^1,1 Pichon, Hervé; Rolland, Nicolas; Orlova, Nadège; Lombardo, Stéphane (2002). "D2.1.1 Inventory Report". European Coastal Erosion database. European Commission. p. 122. Consultado o 6 de outubro de 2012.