Igor de Souza

Igor de Souza

Biografía
Nacemento	19 de febreiro de 1980 (44 anos) Maceió, Brasil
Actividade
Ocupación	futbolista
Período de actividade	2000 -
Nacionalidade deportiva	Brasil
Deporte	fútbol
Posición de xogo	Dianteiro
Traxectoria   Equipo 1998–2003 Futebol Clube da Maia 62 (29) 1999–2000 ⊟ cesión:  Pedrouços Atlético Clube 3 (1) 2003–2007 Sporting Clube de Braga 22 (4) 2004–2005 ⊟ cesión:  Vitória Futebol Clube 28 (6) 2005–2005 ⊟ cesión:  CF Estrela da Amadora 3 (0) 2005–2007 ⊟ cesión:    Pontevedra CF 50 (19) 2007–2011   Pontevedra CF 96 (32) 2008–2008 ⊟ cesión:  Ipatinga Futebol Clube 2 (0) 2009–2009 ⊟ cesión:    Girona FC 15 (3) 2009–2009 ⊟ cesión:    Levante UD 11 (3) 2011–2011 ⊟ cesión:    CD Tenerife 7 (0) 2011–2013 UD Salamanca 57 (23) 2013– Panthrakikos F.C.

Igor de Souza Fonseca, nado o 19 de febreiro de 1980 en Maceió é un futbolita brasileiro con pasaporte portugués que xoga na demarcación de dianteiro centro. É irmán do tamén futbolista Yuri de Souza e curmán do ex xogador do Celta de Vigo Charles Dias, cos que coincidiu no Pontevedra CF.

Traxectoria

Ao igual que o seu irmán desenvolve a maior parte da súa carreira en Portugal. Comezou xogando no Bragança e posteriormente no Clube Desportivo das Aves, Marialvas, Gondim e Pedrouços. Empezou a destacar no FC Maia, onde coincidiu co seu irmán e onde logrou os seus mellores rexistros goleadores chegando a anotar 26 goles nunha tempada.

No verán de 2002 fichou polo Sporting Clube de Braga, porén non acada continuidade no equipo e enlaza sucesivas cesións, no Vitória FC, CF Estrela da Amadora e no Pontevedra CF, equipo que finalmente exerce a opción de compra no ano 2011.

Chega cedido a Pontevedra en decembro de 2005 e dende un primeiro momento adaptase ao equipo, onde tamén milita o seu irmán Yuri. Debuta en xaneiro de 2006 ante o Celta de Vigo B, no que anota os tres goles da vitoria granate por 3-1. En apenas media tempada acada a interesante cifra de 15 goles. Ao ano seguinte repetiu cesión no equipo galego pese ao interese doutros equipos de categoría superior. No verán de 2007 o Pontevedra CF exerce a opción de compra.

No 2009 comezou outra época de cesións de pouco éxito, primeiro o Ipatinga FC e despois o Girona FC, Levante UD e CD Tenerife ata que en 2011 fichou pola UD Salamanca. Tras a desaparición da UD Salamanca foise xogar a Grecia, fichando polo Panthrakikos FC.