Hugo V de Borgoña

Hugo V de Borgoña

Biografía
Nacemento	1294
Morte	9 de maio de 1315 (20/21 anos) Argilly, Francia
Lugar de sepultura	Abadia de Cister (pt)
Actividade
Ocupación	aristócrata
Outro
Título	Duque
Familia	Casa de Borgoña
Pais	Roberto II de Borgoña   e Inés de Francia, duquesa de Borgoña
Irmáns	Margarida de Borgoña Xoana de Borgoña Branca de Borgoña e de Francia Eudes IV de Borgoña Lois de Borgoña Marie de Borgoña

Hugo V de Borgoña, nado en 1294 e finado en Argilly en 1315, foi duque de Borgoña entre 1306 e 1315.

Traxectoria

Orixes familiares

Fillo do duque Roberto II de Borgoña e Inés de Francia, por liña paterna era neto de Hugo IV de Borgoña e Iolanda de Dreux e por liña materna de Lois IX de Francia e Margarida da Provenza. Era irmán do tamén duque Odón IV de Borgoña.

Promesa

Prometeuse en 1302 con Catarina II de Valois-Courtenay, filla do duque Carlos I de Valois e da emperatriz Catarina I de Courtenay. Pero á morte de Catarina I, en 1307, Carlos de Valois nomeouna herdeira do título imperial da súa nai e rompeu a promesa con Hugo V.

Con esta ruptura, Hugo V de Borgoña esixiu unha indemnización. Aínda que inicialmente estivo prometido con Xoana de Francia, filla do rei Lois X de Francia, finalmente foi recompensado coas terras dos Courtenay así como co matrimonio da súa irmá Xoana de Borgoña co príncipe, e futuro rei, Filipe VI de Francia.

Sucedeuno o seu irmán Odon IV de Borgoña.