Hipérides
Nome orixinal | (grc) Ὑπερείδης |
---|---|
Biografía | |
Nacemento | 390 a. C. Atenas, Grecia |
Morte | 322 a. C. (67/68 anos) Exina - Αίγινα, Grecia |
Estratego | |
Datos persoais | |
País de nacionalidade | Antiga Atenas |
Actividade | |
Ocupación | orador , avogado , político , militar |
Período de tempo | Antigüidade clásica |
Lingua | Grego antigo |
Familia | |
Parella | Phila of Thebes (en) |
Fillos | Glaucippus (en) |
Hipérides, nado en Atenas, contra o ano 390 a.C. e finado en Cleón no 322 a.C., foi un orador grego.
Traxectoria
[editar | editar a fonte]Foi discípulo de Isócrates en Atenas e comezou traballando de logógrafo escribindo discursos xudiciais por encarga. Conta a lenda que gañou a absolución da cortesá Frinis mostrándolle a súa beleza espida aos xuíces. Traballou contra Filipo II, xuntamente con Demóstenes, até o caso Hárpalo (324 a.C.), cando entón acusou ao propio Demóstenes. Cando Filipo II de Macedonia venceu en Queronea no 338 a.C., Hipérides organizou a defensa de Atenas e logrou reforzar o exército prometendo que lles concedería a liberdade aos escravos e a cidadanía aos estranxeiros. Reconciliouse con Demóstenes cando Atenas se ergueu contra os macedonios de Antípatro á morte de Alexandre Magno (323 a.C.). Terminada desastrosamente a Guerra Lamaiana, Hipérides foi capturado e morto entre atroces tormentos.
Estilo
[editar | editar a fonte]O estilo de Hipérides é claro na exposición, elegante e incorpora innovacións estilísticas influídas pola comedia. Atribúenselle 77 discursos, dos que se conservan seis en fragmentos. Destacan En defensa de Euxenipo, Contra Demóstenes e a Oración fúnebre (polos caídos da Guerra Lamiana).