Hillel Slovak

Hillel Slovak

Biografía
Nacemento	13 de abril de 1962 Haifa, Israel (pt)
Morte	25 de xuño de 1988 (26 anos) Hollywood, Estados Unidos de América
Causa da morte	sobredose de heroína
Lugar de sepultura	Cemitério Mount Sinai Memorial Park (pt)
Educación	Fairfax High School (en)
Actividade
Ocupación	guitarrista, músico, compositor de cancións
Período de actividade	1976 - 1988
Membro de	Red Hot Chili Peppers (1983–1988)
Xénero artístico	Rock alternativo
Influencias	Jimi Hendrix
Instrumento	Guitarra
Selo discográfico	MCA Records
Descrito pola fonte	Obálky knih,

Hillel Slovak (en hebreo: הלל סלובק), nado en Haifa (Israel) o 13 de abril de 1962 e finado nos Ánxeles (California) o 25 de xuño de 1988, foi un músico israelí-americano coñecido sobre todo por ser o guitarrista orixinal e membro fundador da banda de rock dos Ánxeles Red Hot Chili Peppers. Antes da súa morte por unha sobredose de heroína en 1988, Slovak gravou dous álbums coa banda, Freaky Styley (1985), e The Uplift Mofo Party Plan (1987).

Traxectoria

A familia de Slovak emigrou aos Estados Unidos cando el tiña cinco anos. Slovak coñeceu os seus futuros compañeiros de banda Anthony Kiedis, Flea e Jack Irons cando ía á escola en Los Angeles. El e Irons uníronse ao grupo Anthym na súa etapa do instituto, no Fairfax High School, grupo ao que posteriormente tamén se uniría Flea. Slovak, Flea, Kiedis e Irons, formaron os Red Hot Chili Peppers en 1983, os cales se fixeron populares en Los Angeles, e fixeron varios concertos pola cidade. Con todo, Slovak deixou a banda para centrarse en What Is This?, quen tiñan un acordo de gravación dun disco, deixando aos Red Hot Chili Peppers na gravación do seu primeiro álbum. Volveu aos Red Hot Chili Peppers en 1985, e gravou dous álbums coa banda, Freaky Styley e The Uplift Mofo Party Plan.

Durante a súa carreira, Slovak tivo unha seria adicción á heroína. Sucumbiu a esta adicción, falecendo dunha sobredose o 25 de xuño de 1988, á idade de 26 anos. Foi substituído polo guitarrista John Frusciante, quen foi influenciado polo estilo de Slovak. Varias cancións dos Red Hot Chili Peppers foron escritas coma tributos a Slovak, coma "My Lovely Man". En 1999, o seu irmán publicou un libro titulado Behind the Sun: The Diary and Art of Hillel Slovak, onde aparecen historias e debuxos de Slovak.

Discografía

Con Addie Brik

• Wattsland - EP (1984)

Con What Is This

• Squeezed - EP (1984)
• What Is This (1985)
• 3 Out Of 5 Live - EP (1985)

Con Red Hot Chili Peppers

• Freaky Styley (1985)
• The Uplift Mofo Party Plan (1987)
• The Abbey Road E.P. (1988)
• Mother's Milk (1989)
  • Toca en só unha canción, "Fire"
• What Hits!? (1992)
• Out in L.A. (1994)
• Under the Covers: Essential Red Hot Chili Peppers (1998)
• The Best of Red Hot Chili Peppers (1998)