Henrique Niño
| Biografía | |
|---|---|
| Nacemento | 19 de setembro de 1947  A Coruña, España |
| Morte | 13 de febreiro de 2019 (71 anos) A Coruña, España |
| Actividade | |
| Ocupación | debuxante, ilustrador, naturalista |
  | |
Henrique Niño Ricoi, nado o 19 de setembro de 1947 na Coruña e finado na mesma cidade o 13 de febreiro de 2019, foi un naturalista e divulgador galego.
Traxectoria
[editar | editar a fonte]Formouse academicamente na Academia Galicia da Coruña e na Escola Técnica Superior de Enxeñeiros Agrónomos de Madrid, adicándose profesionalmente á función pública en Galicia, en postos relacionados cos seus estudos.
Participou activamente nos primeiros anos de andaina da Asociación para a Defensa Ecolóxica de Galiza (ADEGA), promovendo a conciencia ecolóxica e o activismo entre as novas xeracións.
O seu traballo como divulgador virou ao redor da produción de guías e catálogos de natureza en especial de especies botánicas en Galicia, adoito en colaboración co ilustrador Calros Silvar, entre elas a pioneira Guía das árbores de Galicia de 1997.
Obra
[editar | editar a fonte]- Nomenclatura vernácula de flora vascular galega, a canda Xosé Castro González e Enrique Losada. Xunta de Galicia, 1992.
- Catálogo da flora vascular galega, a canda Xosé Castro González e Enrique Losada. Xunta de Galicia, 1994.
- Guía das árbores de Galicia. Baía Edicións, 1997/2001, con Calros Silvar.
- Guía dos fentos de Galicia (2008), con Calros Silvar.
- Árbores (2010, Baía)
- Guía de árboles de Euskal Herria (2013), con Calros Silvar.
Ademais produciu distintas unidades didácticas, integrando texto, ilustracións e diapositivas, sobre Baldaio, as árbores de Galicia ou os fentos de Galicia. Tamén escribiu artigos para diversas publicacións, entre elas a revista Cerna:
- Flora e vexetación do castro de Elviña (Verna, nº 47, 2006).
- A vexetación acuática e das beiras dos cursos de auga (Verna, nº 27, 1999).
- A vexetación do litoral (Verna, nº 24, 1998).
- As matogueiras (Verna, nº 22, 1997).
- Outras árbores da familia salicáceas, distintas dos salgueiros, presentes en Galicia (Verna, nº 18, 1996).
- Salgueiros e vimieiros de Galicia (Verna, nº 15, 1995).
- A agricultura como fonte de enerxía (separata) (Natureza galega, 1994).
- Uces e queirugas de Galicia (Cerna, nº 10, 1994).
- Ericáceas galegas (distintas de Erica) (Cerna, nº 12/13, 1994).
- As ximnospermas de Galicia (Cerna, nº 6, 1993).
- Os toxos galegos (Cerna, nº 8, 1993).
- Fagales galegas (outras distintas dos Quercus) (Adega, nº 3, 1992).
- Os pesticidas e o seu uso (Fouce, nº 119, 1991).
- Pesticidas, agricultura e medio ambiente (Fouce, nº 120, 1991).
- Os carballos galegos (Adega, nº 2, 1991).
- Agricultura biolóxica para un mundo vivo (Albadabranca, nº 2, 1986).
- A modernidade agrícola (Albadabranca, nº 1, 1986).
- O millo, cultivo do pasado... con futuro? (A Nosa Terra, XI-XII, 1982).
