Saltar ao contido

Guizhou JL-9

Na Galipedia, a Wikipedia en galego.
Guizhou JL-9
Tipoadestrador avanzado, avión de combate lixeiro
Primeiro voo13 de decembro de 2003
Estadoen servizo
Principais usuariosForza Aérea do Exército Popular de Liberación

O Guizhou JL-9, tamén coñecido como FTC-2000 Mountain Eagle (chinés: 山鹰; pinyin: Shānyīng), é unha familia de avións de adestramento avanzado e combate lixeiro desenvolvida por Guizhou Aviation Industry Import/Export Company (GAIEC) para a Forza Aérea do Exército Popular de Liberación e a Forza Aérea Naval do Exército Popular de Liberación.[1]

Desenvolvemento

[editar | editar a fonte]

O FTC-2000 iniciouse como unha iniciativa privada de GAIEC para desenvolver un adestrador barato para avións de cuarta xeración. O adestrador revelouse na China International Aviation & Aerospace Exhibition de 2001.[2] O avión fabrícase nunha planta de montaxe de GAIC en Anshun, Guizhou.[3]

O FTC-2000, como JL-9, competiu co Hongdu JL-10 para cumprir cos requirimentos dun adestrador avanzado para a Forza Aérea e a Armada chinesas. O JL-10 é tecnoloxicamente máis avanzado, pero tamén máis caro que o JL-9. En 2013 os dous avións entraron en produción.[4]

Unha variante embarcada revelouse polos medios estatais chineses en 2011. Designado JL-9G, ten un tren de aterraxe reforzado, unha á máis grande e entradas supersónicas sen desviadores, pero demostrou non ser axeitado para aterraxes detidas e o seu uso limitouse a operacións baseadas en terra.[5]

O 5 de setembro de 2018 a axencia de noticias estatal Xinhua informou que GAIC comezara a produción en serie da variante FTC-2000G.[6] O 28 de setembro informouse de que o primeiro FTC-2000G de serie realizara o seu primeiro voo.[7][8] En abril de 2020 China informou que un país sen especificar do sueste asiático fixera un pedido polo FTC-2000G, agardándose as súas entregas entre 2021 e 2023.[9]

Deseño

[editar | editar a fonte]

O FTC-2000 desenvolveuse a partir do JJ-7/FT-7, a versión de adestramento de dous asentos do Chengdu J-7; o J-7 é unha variante chinesa do MiG-21. O FTC-2000 usa unha nova á, unha fuselaxe diantaira con tomas de aire laterais, e unha cabina de cristal; mantén o motor, a cola e os controis mecánicos do JJ-7/FT-7.[2]

Notas

[editar | editar a fonte]
  1. ↑ Jane's all the world's aircraft 2010-2011 (101st ed ed.). Coulsdon: IHS Jane's. 2010. ISBN 978-0-7106-2916-6. OCLC 506249185. 
  2. ↑ 2,0 2,1 "Paris Air Show 2015: China close to first FTC-2000 supersonic trainer sale in Africa - IHS Jane's 360". web.archive.org. 2015-06-21. Archived from the original on 21 de xuño de 2015. Consultado o 2022-03-13. 
  3. ↑ "China promotes FTC-2000 trainer for export". Jane's 360. 2017-06-06. Archived from the original on 06 de xuño de 2017. Consultado o 2022-03-13. 
  4. ↑ "Aiming high: China's air ambitions" (PDF). Jane's Information Group. Archived from the original on 24 de xaneiro de 2017. Consultado o 2022-03-13. 
  5. ↑ Rupprecht, Andreas (marzo de 2018). "China: Naval Aviation Training". Air International. pp. 46-49.
  6. ↑ "China begins series-producing FTC-2000G aircraft". Jane's 360. 2018-09-07. Archived from the original on 07 de setembro de 2018. Consultado o 2022-03-13. 
  7. ↑ Waldron, Greg. "​FTC-2000G conducts maiden light". Flight Global (en inglés). Consultado o 2022-03-13.  Carácter espazo nulo en |título= na posición 1 (Axuda)
  8. ↑ "China’s first series-produced FTC-2000G makes maiden flight". Jane's 360. 2018-10-06. Archived from the original on 06 de outubro de 2018. Consultado o 2022-03-13. 
  9. ↑ Waldron, Greg. "AVIC FTC-2000G snags first export order". Flight Global (en inglés). Consultado o 2022-03-13. 
Traído desde «https://gl.wikipedia.org/w/index.php?title=Guizhou_JL-9&oldid=6513263»