Guillerme III de Sicilia

Guillerme III de Sicilia
	;
Biografía
Nacemento	1185 ; Palermo, Italia
Morte	1198 (12/13 anos); Alt-Ems, Austria (en)
Actividade
Ocupación	aristócrata
Outro
Título	Nobreza
Familia	Casa de Hauteville
Pais	Tancredo de Sicilia e Sibylla of Acerra
Irmáns	Valdrada di Sicilia; Constance of Sicily, Dogaressa of Venice; Roger III de Sicilia; Elvira of Sicily; Sibylla of Sicily
Descrito pola fonte	Dicionario Enciclopédico Brockhaus e Efron

Guillerme III de Sicilia, nado probabelmente contra 1186,^[1] e finado en 1198 en Schloß Hohenems, Alemaña,^[2] foi rei de Sicilia durante un breve período, do 20 de febreiro ao 25 de decembro de 1194, baixo a rexencia da súa nai.

Foi o último descendente da casa dos Hauteville que reinou no Reino de Sicilia antes da chegada da casa dos Hohenstaufen.

Traxectoria

Vida e reinado

Guillerme foi o segundo fillo e sucesor do rei Tancredo e da súa esposa Sibila de Acerra.^[2]

Subiu ao trono o 20 de febreiro de 1194 tras a morte de seu pai. Desde setembro do ano anterior era correi tras a súbita morte do seu irmán máis vello Roxerio III), porque seu pai, pouco antes de falecer, coroárao simbolicamente para asegurar a continuidade dinástica e contrarrestar as pretensións xermánicas dos Hohenstaufen, que reclamban o trono dos normandos desde a morte sen descendencia do rei Guillerme II.^[1] Debido á súa curta idade, quedou baixo a rexencia da súa nai (como sucedera co seu irmán Roxerio).

A historiografía considera porén pouco probábel que Tancredo puidera asistir a esta coroación, iniciativa que seguramente fora obra de Sibila que, como rexente na que recaera a carga de organizar a resistencia na illa contra as tropas de Henrique VI Hohenstaufen, que viña reclamando o Reino desde varios anos antes baseándose nos dereitos da súa esposa, Constanza I de Sicilia, filla póstuma do rei Roxerio II de Sicilia, e pretendente lexítima desde 1189.^[1]

O grupo de fieis familiares nos que podía confiar Sibila era moi reducido, incluíndo agora só aos fillos do defunto Mateo d'Ajello, o conde Ricardo d'Ajello e Nicolao, arcebispo de Salerno, así como o arcebispo de Palermo, Bertomeu, que non dubidaron, porén, en pasarse rapidamente ao partido do emperador Henrique.

Derrocamento e morte

En maio de 1194, Henrique VI volveu a Italia, onde acaba de morrer Tancredo. O exército Imperial encontrou pouca resistencia e Henrique foi coroado como rei de Sicilia o 25 de decembro. O mozo Guillerme foi capturado e obrigado a ceder a súa coroa. Foi torturado antes de que lle sacaran os ollos de ser castrado. Despois foi enviado ao exilio a Alemaña (talvez a Alsacia ou ao hoxe cantón dos Grisóns), onde morreu en condicións escuras, probabelmente pouco despois.^[3]

Henrique Hohenstaufen emprendeu nese mesmo día un masacre sanguento dos baróns normandos. Os nobres e os bispos que asistiran á coroación do seu rival Tancredo foron queimados vivos nun campo cerca de Palermo, a cincocentos metros do palacio real. Henrique fixo logo desenterrar os restos de Tancredo e do seu fillo Roxerio, aos que lles arricou as súas coroas de ouro antes de mandar decapitar os seus cadáveres. O único fillo do seu matrimonio con Constanza, o futuro Frederico II, naceu ao día seguinte en Iesi, cerca de Ancona.^[3]

Segundo algunhas fontes, Guillerme III morreu en torno ao ano 1198, prisioneiro en Schloß Hohenems (Alemaña).^[2]

Antepasados

16. Roxerio I de Sicilia

8. Roxerio II de Sicilia

17. Adelaida del Vasto

4. Roxerio III de Puglia

18. Afonso VI de Castela

9. Elvira de Castela

19. Isabel de Sevilla

2. Tancredo de Sicilia

10. Achard II de Lecce

5. Emma de Lecce

1. Guillerme III de Sicilia

3. Sibila de Acerra

Predecesor: Tancredo I de Sicilia (con Roxerio III de Sicilia)	Rei de Sicilia 1193 - 1194	Sucesor: Henrique VI Hohenstauffen (con Constanza I de Sicilia)

Notas

↑ ^1,0 ^1,1 ^1,2 Guglielmo III d'Altavilla, re di Sicilia.
↑ ^2,0 ^2,1 ^2,2 Tancred King of Sicily.
↑ ^3,0 ^3,1 Bogdan 2003, p. 114.

Véxase tamén

Bibliografía

Aubé, Pierre (2001): Roger II de Sicilie. París: Payot & Rivages. ISBN 2-2288-9414-1.
Bogdan, Henry (2003): Histoire de l'Allemagne de la Germanie à nos jours. París: Perrin. ISBN 2-262-02106-6.
Norwich, John Julius (1970): The Kingdom in the Sun (1130-1194). Londres: Longmans. ISBN 978-0-5711-0903-6.

Outros artigos

Ligazóns externas

Francesco Panarelli, Guglielmo III d'Altavilla, re di Sicilia, en Dizionario Biografico Treccani (en italiano). Consultada o 9 de novembro de 2016.
Guillaume (1186-1198), son of Tancred di Lecce, en Projects/MedLands (en inglés). Consultada o 9 de novembro de 2016.

[G-1] 1,0 ^1,1 ^1,2 Guglielmo III d'Altavilla, re di Sicilia.

[T-2] 2,0 ^2,1 ^2,2 Tancred King of Sicily.

[FOOTNOTEBogdan2003114-3] 3,0 ^3,1 Bogdan 2003, p. 114.

[1]

[2]

[3]