Guerrilla Girls
Guerrilla Girls foi un colectivo de artistas feministas radicais orixinado en Nova York en 1984 e denominado así por usar tácticas de guerrilla para promocionar a presenza da muller na arte.
Traxectoria
[editar | editar a fonte]O seu primeiro traballo foi despregar pósters nas rúas de Nova York para denunciar o desequilibrio de xénero e racial dos artistas representados en galerías e museos. Ao longo dos anos, expandiron o seu activismo a Hollywood e a industria do cinema, a cultura popular, os estereotipos de xénero e a corrupción no mundo da arte.
Os membros do grupo orixinario sempre levaban máscara de gorila e, ocasionalmente, minisaias e medias de rede. Comentaban que ninguén na súa contorna (nin familias, nin compañeiros, nin maridos) coñecía a súa identidade, a excepción feita, dicían ironicamente, dos seus respectivos peiteadores. E a verdade é que, ademais da súa misteriosa identidade, descoñécese cantas persoas formaban o seu grupo. Con todo, as Guerrilla Girls americanas tiveron as súas imitacións e compañeiras en Francia e tamén en Inglaterra.
