Givova

Givova
Tipo	sporting goods manufacturer e negocio
Data de fundación	2008
Sede	Scafati
País	Italia
Na rede
https://givova.it/
[ editar datos en Wikidata ]

Givova é unha marca italiana de roupa deportiva e expandida a outros segmentos téxtiles, fundada no 2008. Fornece como marca deportiva a equipos de baloncesto, béisbol, rugby, balonmán, fútbol, fútbol sala e voleibol

Historia

Givova fundouse o 23 de maio de 2008 por Giovanni Acanfora, previamente o cofundador de Legea.

A compañía é o patrocinador de Chievo e Carpi, o equipo nacional de fútbol de Malta e no pasado traballou co equipo olímpico de Serbia nos Xogos Olímpicos de Londres 2012. Tamén é o provedor dalgunhas seleccións de fútbol, como Hungría, Luxemburgo, Bosnia e Hercegovina, Montenegro, Chipre e actualmente traballa coa selección de fútbol de Venezuela, Talleres de Córdoba, Newell's Old Boys e Club de Gimnasia y Esgrima La Plata.

Dende 2011, Givova asinou unha sociedade corporativa cos Scafati Basket, equipo da Serie A2 Oeste, denominándoo «Givova Scafati».

Selección de Venezuela

O 25 de marzo de 2019, tras o partido amigábel que enfrontou ás seleccións de Venezuela e Cataluña, os xogadores da selección de Venezuela, Tomás Rincón e Salomón Rondón subiron ás súas redes sociais publicacións nas cales mostraban a súa desconformidade coa marca italiana pola súa falta de profesionalismo debido á pesima calidade e a hora de dar o equipamento deportivo poucos días antes do amigábel. Rincón, capitán da seleción venezolana mediante a súa conta de Instagramdixo:

Señores de @givova_official fágolles chegar publicamente o meu descontento con vostedes como marca deportiva nesta data FIFA que acaba de terminar.

Debido aos seus vínculos de negocios coa FVF e o goberno venezolano, alegáronse terse visto afectados por un "bloqueo" ao país. Posteriormente o problema resolveuse porque o produto xa estaba dispoñible pero debido a problemas loxísticos da marca patrocinadora, non se proporcionou no tempo necesario para os amigábeis da selección venezolana en Data FIFA.

A marca viste a numerosos clubs deportivos en Italia, Europa e nalgúns países de Latinoamérica e a pesar do incidente coa Selección venezolana de fútbol aínda segue sendo o seu fornecedor oficial.