Francisco Eiroa Graña
| Biografía | |
|---|---|
| Nacemento | 1892  Cangas, España |
| Morte | 1940 (47/48 anos) Cangas, España |
 Alcalde de Cangas | |
| 1931 – 1936 – Agustín Jorge Etcheverri ⊟ | |
| Actividade | |
| Ocupación | político |
Francisco Eiroa Graña, nado en Cangas en 1892 e finado na mesma vila en 1940, foi político galego.
Traxectoria
[editar | editar a fonte]Carpinteiro, correspondente de Faro de Vigo en Cangas, foi administrador dos Transportes Automóbiles. Tivo carnizaría e tenda de comestíbeis. Foi fundador e presidente do Recreo Marítimo (1912), presidente do pósito de Darbo e presidente da Federación de Pósitos de Galicia (1925-1926) e non aceptou a reelección en 1926. Foi presidente da Federación Agrícola do Morrazo en 1928 e secretario do III Congreso Provincial Agrario de Pontevedra que tivo lugar o 20 de outubro de 1929.
Presentouse ás eleccións de 1917 na lista que encabezaba o médico José Piñeiro. Volveu presentarse ás eleccións municipais de 1922. Foi concelleiro na ditadura de Primo de Rivera (de 1924 a 1925). O 14 de abril de 1931 proclamou a República en Cangas e o 18 de abril foi elixido alcalde. Permaneceu no cargo ata o triunfo da Fronte Popular nas eleccións de febreiro de 1936.
| Predecesor: Cecilio de la Gándara Blanco |
 Alcalde de Cangas 1931 - 1936 |
Sucesor: Agustín Jorge Etcheverri |
Véxase tamén
[editar | editar a fonte]Bibliografía
[editar | editar a fonte]- Santos Castroviejo, Iago; Nores Soliño, Antonio (2005). A Nosa Terra, ed. Historia de Cangas, 1900-1936. Unha ribeira de pescadores. Vigo. p. 778. ISBN 84-96403-74-2.