Ferenc Szusza
  | |||||||||||||||||||||||||||||||||||||||||||||||||||||||
| Nome orixinal | (hu) Szusza Ferenc | ||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Biografía | |||||||||||||||||||||||||||||||||||||||||||||||||||||||
| Nacemento | 1 de decembro de 1923 Budapest, Hungría | ||||||||||||||||||||||||||||||||||||||||||||||||||||||
| Morte | 1 de agosto de 2006 (82 anos) Budapest, Hungría | ||||||||||||||||||||||||||||||||||||||||||||||||||||||
| Lugar de sepultura | Megyeri Cemetery (en)  , 19-9-19/20 | ||||||||||||||||||||||||||||||||||||||||||||||||||||||
| Altura | 178 cm | ||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||
| Ocupación | futbolista, adestrador de fútbol | ||||||||||||||||||||||||||||||||||||||||||||||||||||||
| Nacionalidade deportiva | Hungría | ||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
Ferenc Szusza, nado en Budapest o 1 de decembro de 1923 e finado na mesma cidade o 1 de agosto de 2006, foi un futbolista e adestrador húngaro. Dianteiro histórico do Újpest, militou nese club durante 21 anos, marcando 393 goles. Considerado un dos mellores xogadores húngaros da historia, foi 24 veces internacional, marcando 18 goles, e formou parte da selección húngara coñecida como a dos "Maxiares máxicos" ou "Equipo de ouro". Como adestrador destacou en Hungría e Polonia, gañando varios títulos, e adestrou tamén en España, onde dirixiu o Betis e o Atlético de Madrid. O estadio do Újpesti Dózsa leva o seu nome.
Traxectoria
[editar | editar a fonte]Como futbolista
[editar | editar a fonte]Desenvolveu toda a súa carreira como futbolista no Újpest Dózsa, no que xogou durante 21 anos, entre 1940 e 1961, converténdose nun dos maiores símbolos da historia do club. Gañou catro ligas húngaras co club de Budapest, a primeira delas en 1945 e a última en 1960.
Szusza aparece nas listas da IFFHS como o sexto xogador con máis goles nunha mesma liga, con 393 tantos en 462 partidos, só superado por Lionel Messi, Pelé, Josef Bican, Imre Schlosser e Jimmy McGrory.[1]
Selección nacional
[editar | editar a fonte]Debutou coa selección de Hungría o 14 de xuño de 1942 nun partido contra Croacia que rematou con empate. Formou parte da chamada selección dos "Maxiares máxicos" ou "Equipo de ouro". xunto a outros xogadores como Kocsis, Puskás ou Czibor. Proclamouse campión da Copa dos Balcáns en 1947.
En total, e ata 1956, xogou un total de 24 partidos internacionais, marcando 18 goles.[2]
Como adestrador
[editar | editar a fonte]Finalizada a súa carreira como xogador, non se desvencellou do fútbol, e pouco despois, en 1962, comezou a súa etapa como adestrador. A súa primeira experiencia nos bancos foi no Győri ETO FC, na cidade de Győr. Despois de só dúas tempadas, nas que conseguiu gañar unha liga, regresou a Budapest para dirixir durante dous anos o seu equipo de toda a vida, o Újpest Dózsa.
En 1966 comezou unha segunda etapa no Győri ETO FC, na que conseguiu dous títulos da Copa de Hungría. Tras un breve paso polo Egri Dózsa, marchou a Polonia, dirixindo na tempada 1970/71 o Górnik Zabrze, club co que conseguiu ese ano a Liga e a Copa de Polonia.
En 1971 deu o salto á liga española, fichando polo Real Betis. Sufriu un descenso a Segunda División na tempada 1972/73, conseguindo ascender de novo á Primeira División na tempada seguinte, como campión de Segunda. Foi adestrador do club andaluz ata 1976, cando as autoridades húngaras puxeron trabas á súa permanencia en España e viuse obrigado a regresar ao seu país.[3]
Malia as dificultades, regresou a España dous anos despois, cando foi contratado polo Atlético de Madrid trala destitución de Héctor Núñez poucas xornadas despois do comezo da tempada 1978/79. Conseguiu endereitar o rumbo do equipo e acabou terceiro, só por detrás do Real Madrid e o Sporting de Gijón.
A súa última campaña no banco volveu ser no Újpest Dózsa, que dirixiu na tempada 1980/81.[4]
Recoñecementos
[editar | editar a fonte]En 2001 deu nome ao estadio onde o club disputa os seus partidos, o Estadio Ferenc Szusza.
Palmarés
[editar | editar a fonte]Como xogador
[editar | editar a fonte]- Újpest Dózsa
- Liga húngara (4): 1945, 1945/46, 1946/47 e 1959/60.
- Selección de Hungría
- Copa dos Balcáns (4): 1945, 1945/46, 1946/47 e 1959/60.
Como adestrador
[editar | editar a fonte]- Győri ETO FC
- Liga húngara (1): 1963.
- Copa de Hungría (2): 1966, 1967.
- Górnik Zabrze
- Ekstraklasa (1): 1970/71.
- Copa de Polonia (1): 1970/71.
- Betis
- Segunda División (1): 1973/74.
Notas
[editar | editar a fonte]- ↑ "NEW ONE LEAGUE WORLD GOAL SCORER RECORD FOR LIONEL MESSI !". IFFHS (en inglés). 23 de abril de 2021. Consultado o 8 de marzo de 2022.
- ↑ "Hungary - Record International Players". rsssf.com (en inglés). Consultado o 8 de marzo de 2022.
- ↑ "La vuelta de Ferenc Szusza" (en castelán). 9 de febreiro de 2020. Consultado o 8 de marzo de 2022.
- ↑ Pérez Torres, Laura (4 de agosto de 2006). "Ferenc Szusza, legendario futbolista húngaro". El Mundo (en castelán). Consultado o 8 de marzo de 2022.
Véxase tamén
[editar | editar a fonte]Ligazóns externas
[editar | editar a fonte]- Datos do adestrador en BDFutbol (en castelán).
| Control de autoridades |
|
|---|
