Ex-gai
Ex-gai é un termo empregado por algúns terapeutas de reorientación, grupos relixiosos e outros grupos de carácter conservador para describiren a unha persoa que supostamente mudou a súa orientación sexual de gai ou bisexual a heterosexual.
Organizacións que rexeitan a homosexualidade
[editar | editar a fonte]As principais organizacións e grupos que teñen dentro dos seus obxectivos mudar ou controlar a atracción homosexual son:
- Exodus International.
- National Association for the Research and Therapy of Homosexuality (Asociación Nacional pola Investigación e Terapia da Homosexualidade).
- Parents and Friends of Ex-Gays (Familiares e Amigos de Ex-gais).
- Love In Action (Amor en acción).
- Courage UK (Coraxe Reino Unido).
- Courage International (Coraxe Internacional).
- True Freedom Trust (Grupo Liberdade Verdadeira).
- Evergreen International (Mormón).
Razóns destes grupos para o rexeitamento da homosexualidade
[editar | editar a fonte]Algúns grupos ex-gai, basean a súa filosofía en conseguir reprimir os desexos homosexuais por medio da vontade ou a oración.[1] Por exemplo, algúns ex-gais que se atopan casados nun matrimonio heterosexual recoñecen que os seus desexos homosexuais permanecen, pero esfórzanse en que os seus matrimonios funcionen.[2] Para algúns, o mero acto de adoptaren o termo «ex-gai» é un dispositivo verbal polo cal «os individuos usan a linguaxe como a ferramenta primaria non só para expresaren a súa identidade, senón para creala e transformala».[3]
Os ex-gais comparan o seu proceso co do «saír do armario». Algúns destes grupos que promoven estas técnicas tratan de distanciarse do termo ex-gai. Courage International (Coraxe Internacional) non se considera como unha organización ex gai, senón que prefire o termo «pro-castidade».[4] Parents and Friends of Ex-Gays and Gays (Familiares e amigos de ex-gais e gais), é a maior organización que se define a si mesma como unha organización de ex-gais. Outras organizacións consideran que a homosexualidade se pode «curar», e que as terapias de reorientación son ferramentas útiles e necesarias para tratar e «corrixir» o desexo homosexual.[5]
Nos Estados Unidos, a American Psychiatric Association declarou: "Algunhas persoas cren que a orientación sexual é innata e fixa; con todo, a orientación sexual desenvólvese durante toda a vida dunha persoa."[6] A comunidade médica e científica maioritariamente considera que a homosexualidade non é unha enfermidade e, xa que logo, non se pode curar[7], a terapia «reparadora» non é eficaz e ademais é potencialmente daniña para a saúde mental.[8]
A American Psychiatric Association (Asociación Psiquiátrica Estadounidense) emitiu informes críticos, apoiados por varias organizacións médicas, de acordo á cal: «Simplemente non hai suficientes evidencias científicas de que a orientación sexual poida cambiarse».[9] Segundo isto, as posicións apoiadas polas organizacións ex-gai «non están apoiadas na ciencia» e «crean un ambiente no que poden aflorar a discriminación e os prexuízos». Os grupos ex-gai din que a comunidade científica tomou esta posición influenciados polas presións políticas e non por consideracións científicas.[10]
Notas
[editar | editar a fonte]- ↑ Vexáse, e.x., SexualIdentityInstitute.org Arquivado 06 de decembro de 2007 en Wayback Machine. (Instituto sobre a Identidade Sexual). Consultado o 4-07-2007.
- ↑ christianitytoday.com ("Non easy victory": "A vitoria non é doada"). Consultado o 2006-03-26.
- ↑ Peebles, A. "It´s Not Coming Out, So Then What Is It? Sexual Identity and the Ex-Gay Narrative".
- ↑ Courage - FAQ's Arquivado 25 de marzo de 2013 en Wayback Machine. Alan Chambers, presidente de Exodus International (Éxodo Internacional), non está de acordo co termo e rexeitou publicamente o seu uso.
- ↑ Exodus International Policy Statements Arquivado 28 de setembro de 2007 en Wayback Machine., Exodus International. Consultada o 04-07-2007.
- ↑ "Gay, Lesbian and Bisexual Issues". Arquivado dende o orixinal o 10 de decembro de 2005. Consultado o 01 de maio de 2009.
- ↑ O 17 de maio de 1990, a OMS eliminou a homosexualidade da súa lista de trastornos mentais.
- ↑ American Psychological Association (Asociación Psicolóxica dos EE. UU.), et al.: [http://www.apa.org/pi/lgbc/publications/justthefacts.html “Just the Facts About Sexual Orientation & Youth: A Primer for Principals, Educators and School Personnel” (‘só os feitos acerca da orientación sexual e a xuventude: manual para reitores, educadores e persoal de escolas’), 1999. Consultado o 2007-02-23.
- ↑ APA Discredits 'Ex-Gay' Movement, 365Gay Newscenter, 8-11-2006. Consultado o 04-14-2007.
- ↑ USA - Gay Conversion Arquivado 04 de novembro de 2007 en Wayback Machine.. Consultado o 2006-06-22.Jeff Satinover: Homosexuality and the Politics of Truth, Baker, 1996.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- CatholicCulture.org (Homosexuality & Hope –Catholic Medical Association: homosexualidade e esperanza – asociación médica católica).
- CourageRC.net (Coraxe).
- EvergreenInternational.org (Evergreen Internacional).
- EWTN.com Arquivado 30 de marzo de 2009 en Wayback Machine. (Christian Anthropology and Homosexuality: Antropoloxía Cristiá e Homosexualidade).
- ExodusGlobalAlliance.org (Éxodus International: Éxodo Internacional)
- narth.com (National Association for Research & Therapy of Homosexuality: Asociación Nacional pola Investigación e Terapia da Homosexualidade).
- PeopleCanChange.com (‘As persoas poden cambiar’).
- SSAML.com (Same Sex Attraction Morality League: Liga pola Moralidade da Atracción ao Mesmo Sexo).