Erdapfel

O Erdapfel (en alemán: literalmente «mazá da terra») é o globo terrestre máis antigo que se conserva. Foi elaborado polo navegante, cosmógrafo e xeógrafo alemán Martin Behaim en 1492. Trátase dunha bóla de 51 cm de diámetro, composta de dúas semiesferas feitas de liño laminado con reforzo de madeira e cuberta cun mapa pintado por Georg Glockendon.^[1] O mapa foi debuxado en papel e colouse na capa de pergamiño coa que primeiramente se cubriu o globo.^[2]

Historia e características

O continente americano non aparece, pois Cristovo Colón non retornou da súa primeira viaxe até marzo de 1493. O globo presenta unha Eurasia magnificada e un océano baleiro entre a Europa occidental e o leste de Asia. Cipango (Xapón), que se sitúa ó sur da súa verdadeira posición, e as illas asiáticas tamén son desproporcionadamente grandes. Inclúese a mítica illa de San Brandán, así como unha multitude de illas fabulosas.

Europa e o Mediterráneo son os que están representados con maior precisión. África represéntase con gran detalle, especialmente as costas norte e oeste, o que indica a viaxe de Behaim a bordo dun barco portugués ou a adquisición dunha carta náutica portuguesa por parte de Behaim. A costa leste, porén, amósase de xeito moi impreciso. Canto máis ó leste, máis distorsionada se torna a imaxe. O subcontinente indio case non é recoñecíbel como tal.^[3]

A idea de lle chamar «mazá» pode estar relacionada co Reichsapfel («Mazá Imperial» ou globus cruciger), tamén gardada en Nürnberg, xunto coas xoias do Reich (Reichskleinodien). O nome non está relacionado co significado moderno de Erdapfel no sur de Alemaña e Austria, que é «pataca», pois as castañas de terra aínda non se trouxeran de América a Europa.

Desde a súa creación até comezos do século XVI ficou nunha sala de recepción do concello de Nürnberg. Posteriormente estivo en posesión da familia Behaim. En 1907 foi transferido ó Museo Nacional Xermánico (Germanisches Nationalmuseum) de Nürnberg.

Dixitalización

En 1992 foi trasladado durante algún tempo á Universidade Técnica de Viena para ser estudado e dixitalizado co gallo do seu 500 aniversario.^[4] En 2011, o Museo Nacional comezou unha segunda dixitalización.^[5]

Notas

↑ "Der Behaim-Globus in Nürnberg". Bayern-online (en alemán).
↑ Hering, Bernd (1992). "Die Herstellungstechnik des Behaim-Globus: Neue Ergebnisse". En G. Bott, J. Willers. Focus Behaim-Globus (en alemán). Nürnberg: Germanisches Nationalmuseum Nürnberg.Hering&rft.btitle=Focus Behaim-Globus&rft.date=1992&rft.genre=bookitem&rft.place=Nürnberg&rft.pub=Germanisches Nationalmuseum Nürnberg&rft_val_fmt=info:ofi/fmt:kev:mtx:book" class="Z3988">
↑ Hilsenbeck, Renate (1992). "Mittelalterliche Weltkunde und Behaim-Globus". Focus Behaim Globus, Teil 1: Aufsätze (en alemán). Nürnberg. pp. 226–236.Hilsenbeck&rft.btitle=Focus Behaim Globus, Teil 1: Aufsätze&rft.date=1992&rft.genre=bookitem&rft.pages=226-236&rft.place=Nürnberg&rft_val_fmt=info:ofi/fmt:kev:mtx:book" class="Z3988">
↑ Dorffner, Lionel (1996). "Der digitale Behaim-Globus – Visualisierung und Vermessung des historisch wertvollen Originals". Cartographica Helvetica (en alemán) (14). ISSN 1015-8480.Dorffner&rft.date=1996&rft.genre=article&rft.issn=1015-8480&rft.issue=14&rft.jtitle=Cartographica Helvetica&rft_val_fmt=info:ofi/fmt:kev:mtx:journal" class="Z3988">
↑ "Digitalfotografische Erfassung und Erstellung eines 3-D-Computermodells des Behaim-Globus". Germanisches Nationalmuseum (en alemán).

Véxase tamén

Bibliografía

Ravenstein, Ernst G. (1908). Martin Behaim, His Life and His Globe (en inglés). Londres: George Philip & Son, Ltd. Arquivado dende o orixinal o 05 de agosto de 2020. Consultado o 01 de maio de 2020.Ravenstein&rft.btitle=Martin Behaim, His Life and His Globe&rft.date=1908&rft.genre=book&rft.place=Londres&rft.pub=George Philip & Son, Ltd.&rft_id=http://lhldigital.lindahall.org/cdm/ref/collection/eng_tech/id/5282&rft_val_fmt=info:ofi/fmt:kev:mtx:book" class="Z3988">

Outros artigos

Ligazóns externas

The International Coronelli Society for the Study of Globes (en inglés)
Detailed analysis (en inglés)

[1] "Der Behaim-Globus in Nürnberg". Bayern-online (en alemán).

[2] Hering, Bernd (1992). "Die Herstellungstechnik des Behaim-Globus: Neue Ergebnisse". En G. Bott, J. Willers. Focus Behaim-Globus (en alemán). Nürnberg: Germanisches Nationalmuseum Nürnberg.Hering&rft.btitle=Focus Behaim-Globus&rft.date=1992&rft.genre=bookitem&rft.place=Nürnberg&rft.pub=Germanisches Nationalmuseum Nürnberg&rft_val_fmt=info:ofi/fmt:kev:mtx:book" class="Z3988">

[3] Hilsenbeck, Renate (1992). "Mittelalterliche Weltkunde und Behaim-Globus". Focus Behaim Globus, Teil 1: Aufsätze (en alemán). Nürnberg. pp. 226–236.Hilsenbeck&rft.btitle=Focus Behaim Globus, Teil 1: Aufsätze&rft.date=1992&rft.genre=bookitem&rft.pages=226-236&rft.place=Nürnberg&rft_val_fmt=info:ofi/fmt:kev:mtx:book" class="Z3988">

[4] Dorffner, Lionel (1996). "Der digitale Behaim-Globus – Visualisierung und Vermessung des historisch wertvollen Originals". Cartographica Helvetica (en alemán) (14). ISSN 1015-8480.Dorffner&rft.date=1996&rft.genre=article&rft.issn=1015-8480&rft.issue=14&rft.jtitle=Cartographica Helvetica&rft_val_fmt=info:ofi/fmt:kev:mtx:journal" class="Z3988">

[5] "Digitalfotografische Erfassung und Erstellung eines 3-D-Computermodells des Behaim-Globus". Germanisches Nationalmuseum (en alemán).

[1]

[2]

[3]

[4]

[5]