Equipo Crónica

O Equipo Crónica ou Crónicas de la realidad foi un grupo de pintores españois que estivo activo entre 1965 e 1981, data esta última na que finou Rafael Solbes. Foi fundado por Manolo Valdés, Rafael Solbes e Juan Antonio Toledo, se ben este último desligouse pronto do grupo.^[1]

O Equipo Crónica afastouse da arte informal para cultivar unha pintura figurativa dentro da tendencia Pop art. Analizaba criticamente a situación política de España e a historia da arte. Inspirouse nas obras clásicas coma o Guernica de Picasso ou Las Meninas de Velázquez.

A súa mestura é única: un pouco realista, un pouco crítica, bastante pop, con citas pictóricas, anacronismos e pastiches ^[2] agridoces. Todo iso con bastante entusiasmo pero pouca ledicia, xa que a sombra do franquismo está presente en toda a súa obra. As súas pinturas e serigrafías parodiaron os retratos reais de Velázquez, que neses anos eran empregados en carteis publicitarios polo Ministerio de Información e Turismo de Manuel Fraga. Fronte á imaxe grandiosa e pintoresca de España que o réxime franquista quería proxectar, Equipo Crónica incidía noutra máis sombría recorrendo á ironía.

Equipo Crónica produciu pinturas a gran formato, xunto con esculturas e gravados seriados. Existen exemplos relevantes deste grupo no IVAM de Valencia e no Museo Raíña Sofía de Madrid.

Notas

Véxase tamén

Bibliografía

Carrassat-Marcadé, Movimientos de la pintura, Spes Editorial, S.L., 2004, páx. 183, ISBN 84-8332-596-9

Ligazóns externas

Páxina do Equipo Crónica

Equipo Crónica na Fundación María José Jove (en castelán).
Equipo Crónica na colección do IVAM
Obras dixitalizadas do Equipo Crónica na Biblioteca Digital Hispánica da Biblioteca Nacional de España

[1] (en catalán) "Equip Crònica", enciclopedia.cat.

[2] Imitación ou plaxio que consiste en tomar determinados elementos característicos da obra dun artista e combinalos, de xeito que dean a impresión de seren unha creación independente

[1]

[2]