Emmanuelle Riva

Emmanuelle Riva

(1962)
Nome orixinal	(fr) Paulette Riva
Biografía
Nacemento	(fr) Paulette Germaine Riva 24 de febreiro de 1927 Cheniménil (Francia)
Morte	27 de xaneiro de 2017 (89 anos) 16º distrito de París (Francia)
Causa da morte	cancro
Lugar de sepultura	Cimetière de Charonne (en) , 4 Grave of Riva (en)
Altura	1,66 m
Actividade
Campo de traballo	Poesía, teatro e filme
Ocupación	actriz, actriz de teatro, actriz de cinema, poetisa, fotógrafa, escritora
Período de actividade	1952 - 2017
Membro de	Comité des intellectuels pour l'Europe des libertés (en) (1978–)
Pseudónimo literario	Emmanuelle Riva
Familia
Cónxuxe	sen valor
Cronoloxía
	Funeral (Saint-Germain de Charonne (en) )
Premios
(2013)  César á mellor actriz, premiado polo traballo Amour (2013)  Lumières Award for Best Actress (en) , premiado polo traballo Amour (2013)  National Society of Film Critics Award (pt) , premiado polo traballo Amour (2013)  London Film Critics Circle Award for Actress of the Year (en) , premiado polo traballo Amour (2013)  BAFTA á mellor actriz, premiado polo traballo Amour (2012)  Premio do Cinema Europeo á mellor actriz, premiado polo traballo Amour (2012)  New York Film Critics Online (pt) , premiado polo traballo Amour (2012)  Prêmio da Associação de Críticos de Cinema de Los Angeles de Melhor Atriz (pt) , premiado polo traballo Amour (2012)  Boston Society of Film Critics Award for Best Actress (en) , premiado polo traballo Amour (2012)  Prix Marguerite Duras (en) (2012)  Festival Internacional de Cinema da Flandres-Gante (pt) (16 de xuño de 1994)  Comendador das Artes e as Letras (1962)  Volpi Cup for Best Actress (en) , premiado polo traballo Thérèse Desqueyroux (en)
Descrito pola fonte	Obálky knih,

Paulette Germaine Riva, nada en Cheniménil o 24 de febreiro de 1927 e finada en París o 27 de xaneiro de 2017, foi unha actriz francesa, coñecida como Emmanuelle Riva (|ɛmanɥɛl ʁiva|). É coñecida especialmente polas súas interpretacións nos filmes Hiroshima mon amour (1959) e Amour (2012).

Riva foi candidata ao premio da BAFTA polo seu papel en Hiroshima mon amour, e gañou a Copa Volpi do Festival de Venecia por Thérèse Desqueyroux (1962). Pola súa interpretación en Amour, de Michael Haneke, gañou o BAFTA e o César e foi candidata ao Oscar á mellor actriz.

Traxectoria

Primeiros anos

Riva naceu en 1927 en Cheniménil, Francia, filla de Jeanne Fernande (de solteira Nourdin), unha costureira, e René Alfred Riva, pintor de carteis italiano.

Creceu en Remiremont e Riva amosou unha paixón temperá pola interpretación, actuando en obras de teatros locais, aínda que traballou durante varios anos como costureira. Tras ver un anuncio nun xornal local, Riva apuntouse a unha escola de interpretación de París.

Aos vinte e seis anos mudouse a París para tratar de seguir unha carreira como actriz, a pesar das obxeccións da súa familia. En 1954, debutou no teatro parisiense cunha produción de Arms and the Man, de George Bernard Shaw. En 1957, Riva apareceu por primeira vez na televisión na serie Énigmes de l'histoire.

Carreira cinematográfica

Riva tivo un dos papeis principais de Hiroshima mon amour (1959), filme dirixido de Alain Resnais e escrito por Marguerite Duras, en que interpretou unha actriz francesa que tiña un idilio cun arquitecto xaponés (Eiji Okada) en Hiroshima. A súa actuación valeulle varios premios e candidaturas. Máis tarde apareceu en Kapò, de Gillo Pontecorvo (1960), Léon Morin, prêtre, de Jean-Pierre Melville (1961) e Thérèse Desqueyroux, de Georges Franju (1962). Tamén apareceu en Trois couleurs: Bleu, de Krzysztof Kieślowski (1993), Vénus Beauté (Institut), de Tonie Marshall (1999) e Le Skylab, de Julie Delpy (2011).

Emmanuelle Riva no Festival de Cannes de 2012.

Riva protagonizou o éxito de crítica Amour (2012), de Michael Haneke, con Jean-Louis Trintignant, en que interpretaba unha profesora de música anciá que é coidada polo seu marido tras unha serie de infartos debilitantes. Riva gañou o BAFTA e foi candidata ao Oscar á mellor actriz. Viaxou á cerimonia dos Oscar, que tiña lugar no seu 86º aniversario, pero perdeu contra Jennifer Lawrence. Con 85 anos converteuse na actriz protagonista de máis idade candidata ao Oscar, e a segunda intérprete de máis idade, tras Gloria Stuart, que foi candidata con 87 anos.

Outros traballos

Riva tivo unha extensa carreira teatral en París. En 2001 actuou en Medea no Festival d'Avignon. Tamén apareceu ocasionalmente na televisión francesa. Riva volveu aos escenarios parisienses en febreiro de 2014, coprotagonizando con Anne Consigny a obra de Marguerite Duras Savannah Bay no Théâtre de l'Atelier.

Mentres filmaba Hiroshima mon amour, Riva fotografou Hiroshima; medio século despois expuxéronse estas fotografías no Nikon Salon e foron editadas en forma de libro en Francia e o Xapón.

Riva tamén publicou poesía.

Falecemento

Riva faleceu de cancro o 27 de xaneiro de 2017 en París, catro semanas antes do seu noventa aniversario. O 4 de febreiro de 2017 tivo lugar un servizo na súa memoria na igrexa de Saint-Germain de Charonne no 20.º arrondissement de París; foi enterrada no cemiterio de Charonne.

Vida privada

Riva nunca casou nin tivo fillos. Tivo unha parella, que faleceu en 1999. Riva era a propietaria dun apartamento nun cuarto andar no Barrio Latino de París, en que viviu durante máis de medio século.

Filmografía seleccionada

Ano	Título	Director	Notas
1959	Hiroshima mon amour	Alain Resnais	Candidata—BAFTA á mellor actriz estranxeira
1959	Kapò	Gillo Pontecorvo
1960	Le huitième jour	Marcel Hanoun
	Adua e le compagne	Antonio Pietrangeli
	Recours en grâce	Laslo Benedek
1961	Léon Morin, prêtre	Jean-Pierre Melville
1962	Thérèse Desqueyroux	Georges Franju	Copa Volpi á mellor actriz
	Climats	Stellio Lorenzi
1963	Le ore dell'amore	Luciano Salce
	Le gros coup	Jean Valère
1965	Thomas l'imposteur	Georges Franju
1967	Les risques du métier	André Cayatte
1973	J'irai comme un cheval fou	Fernando Arrabal
1982	Gli occhi, la bocca	Marco Bellocchio
1993	Trois couleurs: Bleu	Krzysztof Kieślowski
1999	Vénus Beauté (Institut)	Tonie Marshall
2001	Médée	Don Kent
2009	Un Homme et Son Chien	Francis Huster
2011	Le Skylab	Julie Delpy
2012	Amour	Michael Haneke	BAFTA á mellor actriz protagonista Boston Society of Film Critics Award á mellor actriz César á mellor actriz Dublin Film Critics Circle Award á mellor actriz Premio do Cinema Europeo á mellor actriz International Cinephile Society Award á mellor actriz London Film Critics Circle Award á mellor actriz do ano Los Angeles Film Critics Association Award á mellor actriz Premios Lumières á mellor actriz] National Society of Film Critics Award á mellor actriz Premio New York Film Critics Online á mellor actriz Premio Cinema Ludus á mellor actriz europea San Francisco Film Critics Circle Award á mellor actriz Candidata—Oscar á mellor actriz Candidata—AACTA International Award á mellor actriz Candidata—Premio da Alliance of Women Film Journalists á mellor actriz Candidata—Broadcast Film Critics Association Award á mellor actriz Candidata—Chicago Film Critics Association Award á mellor actriz Candidata—Dallas-Fort Worth Film Critics Association Award á mellor actriz Candidata—Premio Dorian á mellor actriz Candidata—Houston Film Critics Society á mellor actriz Candidata—Irish Film & Television Awards á mellor actriz internacional Candidata—Online Film Critics Society Award á mellor actriz Candidata—Premio do New York Film Critics Circle á mellor actriz Candidata—Satellite Award á mellor actriz - Drama Candidata—Toronto Film Critics Association Award á mellor actriz Candidata—Washington D.C. Area Film Critics Association Award á mellor actriz
2016	Marie et les naufragés	Sébastien Betbeder
2016	Paris pieds nus	Dominique Abel e Fiona Gordon
2017	La Sainte Famille	Marion Sarraut

Obras

• Riva, Emmanuelle (1975). Le Feu des miroirs (en francés). París: Éditions Saint-Germain-des-Prés. 
• Riva, Emmanuelle (1976). Juste derrière le sifflet des trains (en francés). París: Éditions Saint-Germain-des-Prés. ISBN 2-243-00380-5. 
• Riva, Emmanuelle (1982). L'otage du désir (en francés). París: Nouvelles Éditions latines. ISBN 2-7233-0184-2. 
• Riva, Emmanuelle (2008). Hiroshima 1958 (en xaponés). Tokyo: Inscript. ISBN 978-4-900997-22-6. 
• Riva, Emmanuelle (2009). Tu n'as rien vu à Hiroshima (en francés). París: Gallimard. ISBN 978-2-07-012298-1. 

Véxase tamén

Ligazóns externas

• Emmanuelle Riva en NewWaveFilm.com